ଦମିସ୍କ,୧୯ ।୨: ବିନାଶକାରୀ ଭୂକମ୍ପରେ ପ୍ରଭାବିତ ହୋଇଥିବା ସିରିଆର ରାଜଧାନୀ ଦମିସ୍କ ଉପରେ ଇସ୍ରାଏଲ ଶନିବାର ପୁଣିଥରେ ବିମାନ ଆକ୍ରମଣ କରିଛି । ମାନବାଧିକାର ସଂସ୍ଥାନ ସିରିଆନ ଅବଜରଭେଟିଭର ସୂଚନା ଅନୁଯାୟୀ, ମିଡିଆ ରିପୋର୍ଟରେ ଦର୍ଶାଯାଇଛି କି ଏହି ଆକ୍ରମଣରେ ସାଧାରଣ ନାଗରିକଙ୍କ ସମେତ ୧୫ ଜଣଙ୍କ ମୃତ୍ୟୁ ହୋଇଛି । କୁହାଯାଉଛି କି ଏକ ଘରୋଇ ବିଲଡିଂକୁ ଟାର୍ଗେଟ କରି ଏହି ବିମାନ ଆକ୍ରମଣ କରାଯାଇଛି ।
ସୂଚନାଯୋଗ୍ୟ, ଏହା ପୂର୍ବରୁ ଶୁକ୍ରବାର ସିରିଆରେ ଭୂକମ୍ପ ମଧ୍ୟରେ ଆତଙ୍କବାଦୀ ଆକ୍ରମଣ ହୋଇଥିଲା, ଯେଉଁଥିରେ ୫୩ ଜଣଙ୍କ ମୃତ୍ୟୁ ହୋଇଥିଲା । ସରକାରୀ ଗଣମାଧ୍ୟମ ଏହି ଆକ୍ରମଣ ପାଇଁ ଆଇଏସକୁ ଦାୟି କରିଥିଲା । ପାଲମାୟାରା ହସ୍ପିଟାଲର ନିର୍ଦ୍ଦେଶକ ଭଲିଦ ଅଡି କହିଥିଲେ, ମୃତକଙ୍କ ମଧ୍ୟରେ ୪୬ ଜଣ ସାଧାରଣ ନାଗରିକ ଥିବା ବେଳେ ୭ ସେନା ଥିଲେ । ସେ କହିଥିଲେ ଡଜନେ ଲୋକଙ୍କୁ ଟାର୍ଗେଟ କରି ଆକ୍ରମଣ କରାଯିବା ପରେ ମୃତକଙ୍କୁ ପାଲମାୟାର ହସ୍ପିଟାଲ ନିଆଯାଇଥିଲା ।
