ଶ୍ରୀହରିକୋଟା,୧ା୧: ନୂଆବର୍ଷର ପ୍ରଥମ ଦିନରେ ଇତିହାସ ରଚିଛି ଇସ୍ରୋ। ସୋମବାର ସକାଳ ୯.୧୦ରେ ପିଏସ୍ଏଲ୍ଭି-ସି୫୮ / ଏକ୍ସପୋ/ସାଟେଲାଇଟ୍ ଲଞ୍ଚ କରିଛି। ଏହା ଦ୍ୱାରା ସ୍ପେସ୍ ଏବଂ ବ୍ଲାକ୍ ହୋଲ୍ର ରହସ୍ୟ ଅନୁସନ୍ଧାନ କରାଯାଇପାରିବ। ଏହି ମିଶନର ଜୀବନକାଳ ପ୍ରାୟ ପାଞ୍ଚ ବର୍ଷ ରହିବ।
#WATCH | PSLV-C58 XPoSat Mission launch | ISRO launches X-Ray Polarimeter Satellite (XPoSat) from the first launch-pad, SDSC-SHAR, Sriharikota in Andhra Pradesh.
(Source: ISRO) pic.twitter.com/ws6Ik0Cdll
— ANI (@ANI) January 1, 2024
ଚେନ୍ନାଇଠାରୁ ପ୍ରାୟ ୧୩୫ କିଲୋମିଟର ପୂର୍ବରେ ଅବସ୍ଥିତ ସ୍ପେସ୍ ସେଣ୍ଟରରୁ ନୂଆବର୍ଷର ପ୍ରଥମ ଦିନରେ ଆଜି ସକାଳେ ଏହି ସାଟେଲାଇଟ୍ ଲଞ୍ଚ୍ କରାଯାଇଛି। ପୋଲାର ସାଟେଲାଇଟ୍ ଲଞ୍ଚ ଯାନ (PSLV-C58) ରକେଟ ଏହାର ୬୦ତମ ମିଶନରେ ଅନ୍ୟ ୧୦ଟି ସାଟେଲାଇଟ୍ ବା ଉପଗ୍ରହ ସହିତ ମୁଖ୍ୟ ପେଲୋଡ ‘ଏକ୍ସପୋସ୍ୟାଟ୍’ ବହନ କରିଥିଲା। ଯାହା ପୃଥିବୀର ନିମ୍ନ କକ୍ଷପଥରେ ରଖାଯିବ।
‘ଏକ୍ସ-ରେ ପୋଲରିମିଟର ସାଟେଲାଇଟ୍’ (XPoSAT) ଏକ୍ସରେ ଉତ୍ସଗୁଡ଼ିକର ରହସ୍ୟ ଉନ୍ମୋଚନ ଏବଂ ବ୍ଲାକ୍ ସ୍ପଟ୍ର ରହସ୍ୟମୟ ଦୁନିଆକୁ ଅଧ୍ୟୟନରେ ସାହାଯ୍ୟ କରିବ। ଇସ୍ରୋର ସୂଚନା ଅନୁଯାୟୀ, ସ୍ପେସ୍ ଆଧାରିତ ପୋଲାରାଇଜେଶନ ମାପରେ ଜ୍ୟୋତିର୍ବିଜ୍ଞାନ ଉତ୍ସରୁ ଏକ୍ସ-ରେ ନିର୍ଗମନ ଅଧ୍ୟୟନ କରିବା ହେଉଛି ସ୍ପେସ୍ ଏଜେନ୍ସିର ପ୍ରଥମ ଉତ୍ସର୍ଗୀକୃତ ବୈଜ୍ଞାନିକ ସାଟେଲାଇଟ୍।
