ନୂଆଦିଲ୍ଲୀ,୫ ।୨: ଆମେରିକୀୟ ମହାକାଶ ଗବେଷଣା ସଂସ୍ଥା ନାସା ଓ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ଦ୍ୱାରା ମିଳିତ ଭାବେ ନିର୍ମିତ ଉପଗ୍ରହ ନିସାରର ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚିଛି । ସୂଚନା ଅନୁଯାୟୀ, ଏହି ଉପଗ୍ରହ ଭାରତ ପହଞ୍ଚିବାକୁ ଆଉ ମାତ୍ର କିଛି ଦିନ ବାକି ରହିଲା । ଏହି ଉପଗ୍ରହକୁ ସୁରକ୍ଷିତ ଭାବେ ଭାରତ ପଠାଇବାକୁ ଇସ୍ରୋ ଓ ନାସାର ବୈଜ୍ଞାନିକମାନେ ବ୍ୟବସ୍ଥା କରୁଛନ୍ତି । ଭାରତ ପଠାଯିବା ପୂର୍ବରୁ ଇସ୍ରୋର ଅଧ୍ୟକ୍ଷ ଏସ ସୋମନାଥ ଏହାର ଅନ୍ତିମ ବୈଦ୍ୟୁତିକ ପରୀକ୍ଷଣ ତଦାରଖ କରିଛନ୍ତି । ଏଥିପାଇଁ ସେ ଶୁକ୍ରବାର କାଲିଫର୍ନିଆରେ ଥିବା ନାସାର ଜେଟ ପ୍ରୋପଲଜନ ଲ୍ୟାବ(ଜେପିଏଲ) ପହଞ୍ଚିଥିଲେ । ଉପଗ୍ରହ ପୃଥିବୀର ସ୍ଥଳ ଏବଂ ବରଫ ପୃଷ୍ଠଗୁଡିକୁ ଅଧିକ ବିସ୍ତୃତ ଭାବେ ଅଧ୍ୟୟନ କରିବାରେ ସାହାଯ୍ୟ କରିବ ।
ଜେପିଏଲଠାରେ ଅନୁଷ୍ଠିତ ଏକ ଆନୁଷ୍ଠାନିକ ସମାରୋହରେ ସୋମନାଥ କହିଛନ୍ତି, ଏହି ମିଶନ ବୈଜ୍ଞାନିକ ଉପକରଣ ଭାବେ ରାଡାରର ସାମର୍ଥ୍ୟର ଏକ ଶକ୍ତିଶାଳୀ ପ୍ରଦର୍ଶନ ହେବ ଓ ପୃଥିବୀର ଗତିଶୀଳ ଭୂମି ଓ ବରଫ ପୃଷ୍ଠଗୁଡିକୁ ପୂର୍ବାପେକ୍ଷା ଅଧିକ ବିସ୍ତୃତ ଭାବରେ ଅଧ୍ୟୟନ କରିବାରେ ସାହାଯ୍ୟ କରିବ । ଏହି କାର୍ଯ୍ୟକ୍ରମରେ ଉଭୟ ସ୍ପେସ ଏଜେନ୍ସିର ବରିଷ୍ଠ ବୈଜ୍ଞନିକମାନ ଉପସ୍ଥିତ ଥିଲେ । ନାସା ଓ ଇସ୍ରୋ ମିଳିତ ଭାବେ ୨୦୧୪ରେ ୨,୮୦୦ କିଲୋଗ୍ରାମ ଓଜନର ଉପଗ୍ରହ ତିଆରି କରିଥିଲେ ।
