ନୂଆଦିଲ୍ଲୀ,୧୪ା୧୨: ଭାରତ ମହାକାଶକୁ ମହିଳା ରୋବଟ୍ ‘ବ୍ୟୋମମିତ୍ର’ ପଠାଇବ ବୋଲି କେନ୍ଦ୍ର ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ କହିଛନ୍ତି। ସେ କହିଛନ୍ତି, ଆସନ୍ତାବର୍ଷ ପରୀକ୍ଷାମୂଳକ ଭାବେ ମହାକାଶକୁ ‘ବ୍ୟାମମିତ୍ର’ ପଠାଯିବା ଲାଗି ନିଷ୍ପତ୍ତି ନିଆଯାଇଛି।
ଏତଦ୍ବ୍ୟତୀତ ଡକ୍ଟର ସିଂହ କହିଛନ୍ତି, ଡିପ୍ ସି ମିଶନ ପ୍ରକଳ୍ପ ଆଗାମୀ ୩ ବର୍ଷ ମଧ୍ୟରେ ଫଳପ୍ରଦ ହେବ। ଫଳରେ ମହାଜାଗତିକ ସନ୍ଧାନ ଏବଂ ଗଭୀର ସମୁଦ୍ର ରିସର୍ଚ୍ଚ କ୍ଷେତ୍ରରେ ଭାରତର ଶକ୍ତି ଏବଂ ସାମର୍ଥ୍ୟ ବୃଦ୍ଧି ପାଇବ।
ସେ କହିଛନ୍ତି, ମହାକାଶ ଗବେଷଣା ପ୍ରତିଷ୍ଠାନ ବା ‘ଇସ୍ରୋ’ର ଅବଦାନ ବେଶ୍ ପ୍ରଶଂସନୀୟ। ନିକଟରେ ‘ଆଦିତ୍ୟ ଏଲ୍-୧’ ଏବଂ ‘ଚନ୍ଦ୍ରୟାନ-୩’ରେ ଇସ୍ରୋ ବୈଜ୍ଞାନିକମାନଙ୍କର କାର୍ଯ୍ୟକୁ ମଧ୍ୟ ସେ ପ୍ରଶଂସା କରିଛନ୍ତି।