ନୂଆଗାଁ, ୧୨ା୨ (ଡି.ଏନ.ଏ.) : ଦାରିଦ୍ର୍ୟର ସୀମାରେଖା ତଳେ ରହୁଥିବା ଗରିବ ଲୋକଙ୍କୁ ଖାଦ୍ୟ ଦେବାକୁ ୫ କେଜି ରାଶନ ଯୋଗାଇ ଦେଉଛନ୍ତି। ସେହିପରି ବାର୍ଦ୍ଧକ୍ୟ ସମୟ ଅବା ବିଧବା ମହିଳାଙ୍କୁ ସହାୟ ପାଇଁ ସରକାର ଭତ୍ତା ଯୋଜନା କରିଛନ୍ତି। ମାତ୍ର ଯାହାର ବିପରୀତ ଦେଖିବାକୁ ମିଳିଛି ଓଡ଼କପା ଗାଁର ୮୩ ବର୍ଷିୟା ଆଦିବାସୀ ମହିଳା ସୁଶୀଳା ପ୍ରଧାନଙ୍କ କ୍ଷେତ୍ରରେ। ସେ ୧୨ ମାସ ହେଲା ଭତ୍ତା କି ରାଶନ ନ ପାଇ କଷ୍ଟରେ ଦିନ କାଟୁଛନ୍ତି।
ନୟାଗଡ଼ ଜିଲା ନୂଆଗାଁ ବ୍ଲକ ବେରୁହଁାବାରି ପଞ୍ଚାୟତ ଓଡ଼କପା ଗଁାର ସୁଶୀଳା। ୧୫ ବର୍ଷ ପୂର୍ବେ ସ୍ବାମୀଙ୍କ ଦେହାନ୍ତ ପରେ ଏକମାତ୍ର ପୁଅ ଭରସାରେ ଚଳି ଆସୁଛନ୍ତି। ବିଧବା ହେବା ପରେ ସରକାରଙ୍କ ଭତ୍ତା ଯୋଜନାରେ ସାମିଲ ହୋଇ ପ୍ରତି ମାସରେ ଶହେ ଟଙ୍କା ପାଉଥିଲେ। କିନ୍ତୁ ବର୍ତ୍ତମାନ ସେହି ଭତ୍ତା ବୃଦ୍ଧି ହୋଇ ଏବେ ୭୦୦ ଟଙ୍କାରେ ପହଞ୍ଚତ୍ଛି। ପରଘରେ ମୂଲ ଲାଗି ମା’କୁ ମୁଠେ ଖାଇବାକୁ ଦେଉଥିବା ପୁଅ କରୋନା ମହାମାରୀ ସମୟରେ ଜୀବିକା ହରାଇ ବସିଲା। ଫଳରେ ପରିବାର ଚଳାଇବା କଷ୍ଟକର ହୋଇପଡିଲା। ଲୋକମାନେ ଜୀବିକା ହରାଇଥିବା ଯୋଗୁ ପରିବାର ପ୍ରତିପୋଷଣ ପାଇଁ ସରକାର ଅଗ୍ରିମ ଭତ୍ତା ଦେଉଛନ୍ତି। ୨୦୨୧ ଏପ୍ରିଲଠାରୁ ସୁଶୀଳାଙ୍କୁ ଆଦୌ ଭତ୍ତା ଦିଆଯାଇନାହିଁ ବୋଲି ଅଭିଯୋଗ କରିଛନ୍ତି। ପଞ୍ଚାୟତରୁ ଭତ୍ତା ଆଣିବାକୁ ଅକ୍ଷମ ବ୍ୟକ୍ତିମାନଙ୍କ ଘରେ ଭତ୍ତା ଟଙ୍କା ପହଞ୍ଚାଇବ। ଜଙ୍ଗଲ ମଧ୍ୟରେ ଅପନ୍ତରିଆ ଗ୍ରାମରୁ ଚାଲି ଚାଲି ପଞ୍ଚାୟତକୁ ଆସି ନ ପାରିବାରୁ ଭତ୍ତା ପାଇବାରୁ ବୃଦ୍ଧା ବଞ୍ଚତ୍ତ ହୋଇଗଲେ। ସେହିପରି ଡିସେମ୍ବର ୨୦୨୦ରୁ ସୁଶୀଳାଙ୍କୁ ରାଶନ ସାମଗ୍ରୀ ମଧ୍ୟ ଦିଆଯାଇ ନ ଥିବା ଅଭିଯୋଗ କରିଛନ୍ତି। ସୁଶୀଳା ଭତ୍ତା ନ ପାଇବା ବାବଦରେ ବ୍ଲକ ସାମାଜିକ ସୁରକ୍ଷା ଅଧିକାରୀ ରଘୁନାଥ ସାହୁଙ୍କୁ ପଚାରିବାରେ ବୃଦ୍ଧାଙ୍କ ଘରେ ଭତ୍ତା ଟଙ୍କା ଶୀଘ୍ର ପହଞ୍ଚାଇବା ପାଇଁ ବେରୁହଁାବାରି ପଞ୍ଚାୟତ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ସେହିପରି ରାଶନ ନ ପାଇବା ସମ୍ପର୍କରେ ବ୍ଲକ ଯୋଗାଣ ନିରୀକ୍ଷକ ଶ୍ରୀହର୍ଷଙ୍କୁ ପଚାରିବାରେ ତାଙ୍କ ରାଶନ କାର୍ଡ ଠିକ୍ ଅଛି। ତେଣୁ ରାଶନ ସାମଗ୍ରୀ ପାଇବା ପାଇଁ ବୃଦ୍ଧା ହକ୍ଦାର ବୋଲି ସେ କହିଛନ୍ତି।
