ଭଦ୍ରକ,୨୦।୩(ସନାତନ ରାଉତ): ଭଦ୍ରକରେ ମଙ୍ଗଳବାରଠାରୁ ବର୍ଷା ଲାଗି ରହିଛି। ମଙ୍ଗଳବାର ସକାଳେ ଝିପିଝିପି ବର୍ଷା ହୋଇଥିଲା। ମାତ୍ର ରାତିରେ ପ୍ରବଳରୁ ପ୍ରବଳ ବର୍ଷା ହୋଇଥିଲା। ବୁଧବାର ମଧ୍ୟ ବର୍ଷା ଲାଗି ରହିଛି । ଏ ନେଇ ସହରର ସମସ୍ତ ସାହିବସ୍ତିରେ ରାସ୍ତା ଜଳମଗ୍ନ ହୋଇଛି । ବର୍ଷା ଲାଗି ରହିଥିବାରୁ ଲୋକେ ଘରୁ ବାହାରକୁ ବାହାରିବା ଅସମ୍ଭବ ହୋଇପଡିଛି । ଜନଜୀବନ ଅସ୍ତବ୍ୟସ୍ତ ହୋଇପଡିଛି । ସହରର ଆସ୍ଥଳ, ବଙ୍କସାହି, ପୁରୁଣାବଜାର, ଚରମ୍ପା, ସାମରାଇପୁର, ଆରଡି ଛକ ପ୍ରାଚୀନଗର ସମେତ ସହରର ମୁଖ୍ୟ ରାସ୍ତାରେ ବର୍ଷାଜଳ ଜମି ରହିଛି । ଜଳ ନିଷ୍କାସନ ବ୍ୟବସ୍ଥା ତ୍ରୁଟି ସାଙ୍ଗକୁ ଡ୍ରେନ୍ ପୋତି ହୋଇଥିବାରୁ ଏଭଳି ସ୍ଥିତି ସୃଷ୍ଟି ହୋଇଥିବା ସହରବାସୀ କହିଛନ୍ତି । ସାମରାଇପୁରରେ ରାସ୍ତାରେ ପାଣି ଜମି ରହିଥିବାରୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହୋଇଛି।