ଥିରୁଭାନନ୍ତପୁରମ୍, ୧୭।୯ : ବିବାହ ଏକ ବ୍ୟକ୍ତିଗତ ମୌଳିକ ଅଧିକାର। ଜଣେ ବ୍ୟକ୍ତି ନିଜ ପସନ୍ଦର ବିବାହ କରିପାରିବେ। ଏନେଇ କେହି ତାଙ୍କୁ ବାଧା ଦେଇପାରିବେ ନାହିଁ। ଗୋତ୍ର ବାହାରେ ବିବାହ କାରଣରୁ କାହାକୁ ବାସନ୍ଦ କରିବା ଅନୁଚ୍ଛେଦ ୨୫ର ଉଲ୍ଲଂଘନ ବୋଲି କେରଳ କୋଟୟମ୍ ଜିଲାର ସବ୍ କୋର୍ଟ ରାୟ ଦେଇଛନ୍ତି। କନନୟା କ୍ୟାଥଲିକ୍ ସମ୍ପ୍ରଦାୟରେ ସଗୋତ୍ର ବିବାହ ଏକ ଆବଶ୍ୟକ ଧାର୍ମିକ ପ୍ରଥା ନୁହେଁ।
ଏହା ଅନ୍ତର୍ଗତ ଗୋତ୍ର ବାହାରେ ବିବାହ କରିଥିବା ବ୍ୟକ୍ତି ଏବଂ ତାଙ୍କ ପରିବାର ସଦସ୍ୟଙ୍କୁ ବାସନ୍ଦ କରି ଚର୍ଚ୍ଚରେ ପ୍ରବେଶ ଅନୁମତି ମନା କରିବା ସାମ୍ବିଧାନିକ ବ୍ୟବସ୍ଥାର ଉଲ୍ଲଂଘନ। ଏହା ସମ୍ବିଧାନର ଅନୁଚ୍ଛେଦ ୨୧ ଅନ୍ତର୍ଗତ ବ୍ୟକ୍ତିଗତ ସ୍ବାଧୀନତାର ଉଲ୍ଲଂଘନ ବୋଲି କୋର୍ଟ କହିଛନ୍ତି।