ନୂଆଦିଲ୍ଲୀ,୧୮।୪ : ଜି-୨୦ ସ୍ବାସ୍ଥ୍ୟ କାର୍ଯ୍ୟକ୍ରମ ଗୋଷ୍ଠୀର ଦ୍ୱିତୀୟ ବୈଠକର ଶେଷ ଅଧିବେଶନରେ ମଙ୍ଗଳବାର ଭାରତର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ କରୋନାଭାଇରସ ପରିସ୍ଥିତି ବିରୋଧରେ ଦେଶର ଉଦ୍ୟମକୁ ହ୍ରାସ ନ କରିବା ଉପରେ ଗୁରୁତ୍ୱାରୋପ କରିଛନ୍ତି। ତାଙ୍କ ଅଭିଭାଷଣରେ ସେ କହିଛନ୍ତି ଯେ ଜି -୨୦ର ଇଟାଲୀ ଏବଂ ଇଣ୍ଡୋନେସିଆର ଅଧ୍ୟକ୍ଷତା ସମୟରେ ଅଣାଯାଇଥିବା ଗତି ଜାରି ରଖିବାକୁ ଏବଂ ସ୍ବାସ୍ଥ୍ୟ ଜରୁରୀକାଳୀନ ପରିସ୍ଥିତିର ମୁକାବିଲା ପାଇଁ ଏପର୍ଯ୍ୟନ୍ତ କରାଯାଇଥିବା ପ୍ରୟାସକୁ ଦୃଢ଼ କରିବାକୁ ଭାରତ ଯୋଜନା କରିଛି। ସମଗ୍ର ବିଶ୍ୱରେ ସ୍ବାସ୍ଥ୍ୟ ବ୍ୟବସ୍ଥା ଉପରେ କେନ୍ଦ୍ର ମନ୍ତ୍ରୀ କହିଛନ୍ତି,ପରିବର୍ତ୍ତନ ଚକ୍ରକୁ ଭାଙ୍ଗିବା ଜରୁରୀ।
ଜି -୨୦ ସ୍ବାସ୍ଥ୍ୟ କାର୍ଯ୍ୟ କ୍ରମ ଗୋଷ୍ଠୀ ଭାବରେ ଆମେ ମିଳିତ ଭାବେ ଭବିଷ୍ୟତର ବିଶ୍ୱ ସ୍ବାସ୍ଥ୍ୟ ପାଇଁ ଏକ ସକରାତ୍ମକ ପ୍ରଭାବ ସୃଷ୍ଟି ଦିଗରେ ଗତି କରୁଛୁ।
କେନ୍ଦ୍ର ସ୍ବାସ୍ଥ୍ୟ ରାଷ୍ଟ୍ରମନ୍ତ୍ରୀ ଭାରତୀ ପ୍ରବୀଣ ପାୱାର କହିଛନ୍ତି, ଭାରତର ଜି-୨୦ ଅଧ୍ୟକ୍ଷତା ବସୁଧୈବ କୁଟୁମ୍ବୁକମର ପ୍ରାଚୀନ ଭାରତୀୟ ଚିନ୍ତାଧାରା ଆଧାରରେ ଜାରି ରଖିଛି। ସୁଲଭ ଏବଂ ଗୁଣାତ୍ମକ ସ୍ବାସ୍ଥ୍ୟସେବା ସୁନିଶ୍ଚିତ କରିବା ସମାଜ ପାଇଁ ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ।