ନୂଆଦିଲ୍ଲୀ, ୨୭।୭ : କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଇଡ଼ିର ପଚରାଉଚରାନେଇ ବରିଷ୍ଠ ନେତା ଗୁଲାମନବୀ ଆଜାଦ ଏବଂ ଆନନ୍ଦ ଶର୍ମା ମୁହଁ ଖୋଲିଛନ୍ତି। ଏହି ବୟସରେ ସୋନିଆ ଗାନ୍ଧୀଙ୍କର ସୱାସ୍ଥ୍ୟ ସହିତ ଖେଳିବା ଠିକ ନୁହେଁ ବୋଲି ଗୁଲାମ ନବୀ ଆଜାଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ଉଦ୍ଦେଶ୍ୟରେ କହିଛନ୍ତି। ଏଥି ସହିତ କଂଗ୍ରେସର ବରିଷ୍ଠ ନେତା ଗୁଲାମ ନବୀ ଆଜାଦ କହିଛନ୍ତି ଦୁଇମାସ ମୁଁ ଅସୁସ୍ଥ ଥିଲି। ଯେଉଁଥିପାଇଁ ମୁଁ ପ୍ରଥମ ପ୍ରଦର୍ଶନରେ ଭାଗ ନେଇପାରିଲି ନାହିଁ। ନ୍ୟାଶନାଲ ହେରାଲ୍ଡର କେଉଁ କାଗଜ ପତ୍ର ବିଷୟରେ କୁହାଯାଉଛି ଯାହା ଇଡି ପାଖରେ ନାହିଁ? ଏହି ଲୋକମାନେ ବହୁ ବର୍ଷ ଧରି ଅନୁସନ୍ଧାନ କରୁଛନ୍ତି।
ରାହୁଲଙ୍କୁ ଇଡି ଦ୍ୱାରା ଅନେକ ଥର ଡକାଯାଇ ପଚରାଉଚରା କରାଯାଇଥିଲା। ମାମଲା ଗୋଟିଏ, ପରିବାର ସହିତ ଜଡ଼ିତ। ଯେତେବେଳେ ତୁମେ ପୁଅଙ୍କୁ ପାଞ୍ଚ ଘଣ୍ଟା ପଚରାଉଚରା କଲ, ତେବେ ତୁମେ ଏହି ମାମଲାରେ ସୋନିଆ ଗାନ୍ଧୀଙ୍କୁ କାହିଁକି ପୁଣି ଡାକିଲ? ସୋନିଆ ଜୀଙ୍କର ସ୍ବାସ୍ଥ୍ୟ ଭଲ ନୁହେଁ, ସେ ମଧ୍ୟ ବୃଦ୍ଧା ହୋଇ ଯାଉଛନ୍ତି। ସୋନିଆ ଜୀ ଏହି ଅବସ୍ଥାରେ ଏଭଳି ଚାପ ବହନ କରି ପାରିବେ କି ? ଯେତେବେଳେ ଯୁବକମାନେ ଏହାକୁ ସହି ପାରୁ ନାହାନ୍ତି ସୋନିଆ ଗାନ୍ଧୀଙ୍କୁ ଇଡି ଏଭଳି ପ୍ରଶ୍ନ କାହିଁକି ପଚାରୁଛି। ବୋଲି ଗୁଲାମନବୀ ପ୍ରଶ୍ନ କରିଛନ୍ତି।
ପୂର୍ବରୁ ହେଉଥିବା ଯୁଦ୍ଧରେ ରୋଗୀ ଏବଂ ମହିଳାମାନଙ୍କ ଉପରେ ହାତ ନ ଉଠାଇବାକୁ ସମ୍ରାଟଙ୍କ ପକ୍ଷରୁ ନିର୍ଦ୍ଦେଶ ଦିଆଯାଉଥିଲା। ମୁଁ ସରକାରଙ୍କୁ ଇଡି କୁ କହିବି ଯେ ସୋନିଆ ଜୀଙ୍କୁ ଡାକିବା ଉଚିତ ନୁହେଁ। ରାହୁଲ ଗାନ୍ଧୀଙ୍କୁ ପ୍ରଶ୍ନ କରାଯାଇଛି। ସୋନିଆ ଜୀଙ୍କ ସୱାସ୍ଥ୍ୟ ସହିତ ଖେଳିବା ଠିକ ନୁହେଁ ବୋଲି ସେ କହିଛନ୍ତି।
କଂଗ୍ରେସର ବରିଷ୍ଠ ନେତା ଆନନ୍ଦ ଶର୍ମା କହିଛନ୍ତି ଯେ ଦୀର୍ଘ ସମୟ ପରେ ମୁଁ ଏବଂ ଗୁଲାମ ନବୀ ଆଜାଦ ପରସ୍ପର ସହ ସାକ୍ଷାତ ହୋଇଛୁ। ଅନୁସନ୍ଧାନ ଏକ ଅସୁବିଧା ନୁହେଁ । ଆମ ଦେଶ ଏକ ଗଣତାନ୍ତ୍ରିକ ଦେଶ । ଆମ ଦେଶରେ ସମସ୍ତଙ୍କର ମୌଳିକ ଅଧିକାର ଅଛି। ମାତ୍ର ଏବେ ଆଇନକୁ ଅସ୍ତ୍ର ଭାବରେ ବ୍ୟବହାର କରାଯାଉଛି। ସମସ୍ତ ତଥ୍ୟ ସାମ୍ନାରେ ଅଛି, ଗତ ଦଶନ୍ଧି ଧରି ଏହା ସମସ୍ତଙ୍କ ସାମ୍ନାରେ ରହିଛି। ସମାନ ମାମଲାରେ ଯେତେବେଳେ ରାହୁଲ ଗାନ୍ଧୀଙ୍କୁ ପ୍ରଶ୍ନ କରାଯାଇଥିଲା, ସେତେବେଳେ ସୋନିଆଙ୍କୁ ତୃତୀୟ ଦିନରେ କାହିଁକି ଡକାଗଲା? ଗଣତନ୍ତ୍ର ପାଇଁ ଏହା ଭଲ ନୁହେଁ। ଦେଶରେ ମୁଦ୍ରାସ୍ଫୀତି ଏବଂ ବେକାରୀ ଏକ ବଡ ପ୍ରସଙ୍ଗ । ସଂସଦର ସମ୍ମାନ ରକ୍ଷା କରିବା ଏବଂ ଗଣତନ୍ତ୍ରକୁ ବଞ୍ଚାଇବା ପାଇଁ ମୁଁ ସରକାରଙ୍କୁ ନିବେଦନ କରୁଛି।