ଜେରୁଜେଲମ,୨।୧୨ : ଅସ୍ତ୍ରବିରତି ପରେ ଇସ୍ରାଏଲ-ହମାସ ଯୁଦ୍ଧ ଏବେ ଚରମ ସ୍ଥିତିରେ ରହିଛି। ଇସ୍ରାଏଲ ପୁଣିଥରେ ନିଜର ସାମରିକ କାର୍ଯ୍ୟ ଆରମ୍ଭ କରିଛି। ଏହି ସମୟରେ, ହମାସ ଏକ ଭୟଭୀତ କଲାଭଳି ବିବୃତ୍ତି ଦେଇ କହିଛି ଗାଜା ଅଞ୍ଚଳରେ କେତେ ଜଣ ବନ୍ଧକ ଅଛନ୍ତି ତାହା ଆମେ ଜାଣି ନାହୁଁ। ବେଳେ ହମାସର ରାଜନୈତିକ ଦଳର ନେତା ଗାଜି ହେମାଦ କହିଛନ୍ତି ଗାଜାରେ କୌଣସି ବନ୍ଧକ ଜୀବିତ ଅଛନ୍ତି କି ନାହିଁ ସେ ଜାଣି ନାହାନ୍ତି। ହମାସ ନେତାଙ୍କ ଏପରି ବିବୃତ୍ତିରେ ସଭିଏଁ ଆଶ୍ଚର୍ଯ୍ୟ ହୋଇଯାଇଛନ୍ତି। ଏଥି ସହିତ, ଇସ୍ରାଏଲ ହମାସର ଏହି ବିବୃତ୍ତି ଉପରେ କଡ଼ା ପ୍ରତିକ୍ରିୟା ଦେଇଛି ଏବଂ ଏହାକୁ ଅମାନବୀୟ ବୋଲି କହିଛି।
ଇସ୍ରାଏଲ ବାହିନୀ ଆଇଡିଏଫ ହମାସର ଜଣେ ନେତା ଏବଂ ଜଣେ ଖବରଦାତାଙ୍କ ମଧ୍ୟରେ ହୋଇଥିବା ବାର୍ତ୍ତାଳାପର ଭିଡିଓ ଶେୟାର କରି କହିଛି ହମାସ ନିରୀହ ଲୋକଙ୍କ ଜୀବନ ପ୍ରତି ଅସମ୍ମାନ ପ୍ରଦର୍ଶନ କରିଛି। ତାଙ୍କ ସାକ୍ଷାତକାରରେ ହେମାଦ ାଜାରେ ହାମାସର ବନ୍ଧକ ୧୦ ମାସର କଫିର ବିବାସଙ୍କ ମୃତ୍ୟୁ, ତାଙ୍କର ୪ ବର୍ଷର ଭାଇ ଆରିଏଲ ବିବାସ ଏବଂ ସେମାନଙ୍କ ମା ଶିରି ବିବାସଙ୍କ ମୃତ୍ୟୁ ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ଆତଙ୍କବାଦୀ ଗୋଷ୍ଠୀ ଦାବି କରିଛି ଇସ୍ରାଏଲର ଏୟାର ଷ୍ଟ୍ରାଇକରେ ଏହି ପରିବାରକୁ ହତ୍ୟା କରାଯାଇଛି, ଇସ୍ରାଏଲ କହିଛି ସେମାନେ ଏହାର ତଦନ୍ତ କରୁଛନ୍ତି। ହମାସ ନେତା ଇସ୍ରାଏଲକୁ ଧମକ ଦେଇ କହିଛନ୍ତି ଏଭଳି କାର୍ଯ୍ୟ ପାଇଁ ପରିଣାମ ଭୋଗ କରିବାକୁ ପଡିବ।