ବର୍ତ୍ତମାନ ୧୮ ବର୍ଷରୁ ବୟସ୍କ ଲୋକଙ୍କୁ ଟିକା ଦାନ ପାଇଁ ଅନୁମତି ମିଳିସାରିଛି। CO-WIN ଆପ୍ ମାଧ୍ୟମରେ ୧୮-୪୪ ବର୍ଷୀୟ ଲୋକେ ଏଥିପାଇଁ ସ୍ଲଟ୍ ବୁକିଂ କରିବା ଆରମ୍ଭ କରିଦେଲେଣି। ସେହିଭଳି ଆଉ କିଛି ଲୋକ ଟିକା ନେଇ ସାରିଲେଣି। ତେବେ ସ୍ମାର୍ଟଫୋନ୍ ବ୍ୟବହାର କରୁ ନ ଥିବା ଲୋକମାନେ କିଭଳି ସ୍ଲଟ୍ ବୁକିଂ କରିପାରିବେ ସେଥିପାଇଁ ସରକାର ଏକ ନୂଆ ସୁବିଧା ଉପଲବ୍ଧ କରିଛନ୍ତି। ଏବେ ଫୋନ୍ କଲ୍ ମାଧ୍ୟମରେ ସ୍ଲଟ୍ ବୁକିଂ ହୋଇପାରିବ।
ସ୍ଲ୍ଟ୍ ବୁକିଂ କରିବା ପାଇଁ ହେଲ୍ପ ଲାଇନ ନମ୍ବର ୧୦୭୫ ଡାଏଲ କରିବାକୁ ହେବ। ବିଶେଷକରି ଏହା ଗ୍ରାମାଞ୍ଚଳର ଲୋକଙ୍କ ପାଇଁ ସୁବିଧାଜନକ ହେବ ବୋଲି ନ୍ୟାଶନାଲ ହେଲ୍ଥ ଅଥରିଟିର ମୁଖ୍ୟ ଆର୍ଏସ୍ ଶର୍ମା କହିଛନ୍ତି।
ଏହି ନମ୍ବରକୁ କଲ କରିବା ପରେ ସେମାନେ ଆପଣଙ୍କୁ କ’ଣ କରିବାକୁ ଚାହୁଁଛନ୍ତି ବୋଲି ପ୍ରଶ୍ନ କରିବେ। ଆପଣ ସ୍ଲଟ୍ ବୁକିଂ ଚୟନ କରିବେ। ପରେ ଆପଣଙ୍କୁ ନିଜ ଆଧାର କିମ୍ବା ଭୋଟର କାର୍ଡ ସୂଚନା ଦେବାକୁ ହେବ। ଡାଟା ଦେଇ ସାରିବା ପରେ ଆପଣଙ୍କ ସ୍ଲଟ୍ ବୁକିଂ ହୋଇଗଲା ବୋଲି ସୂଚନା ମିଳିବ।
