ସିଡନୀ,୫।୧: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ତୃତୀୟ ଟେଷ୍ଟ ମ୍ୟାଚ ଜାନୁଆରୀ ୭ରୁ ଅଷ୍ଟ୍ରେଲିଆରେ ସିଡନୀରେ ଖେଳାଯିବ। ଦୁଇ ଦଳ ମଧ୍ୟରେ ଚାରିଟି ଟେଷ୍ଟ ମ୍ୟାଚର ସିରିଜ ୧-୧ ବରାବର ରହିଛି। କିନ୍ତୁ ଏହି ଗୁରୁତ୍ୱପୂର୍ଣ୍ଣ ମ୍ୟାଚ ପୂର୍ବରୁ ଆୟୋଜକ ଅଷ୍ଟ୍ରେଲିଆ ଏକ ବଡ଼ ଝଟ୍କା ଲାଗିଛି। ଦଳର ଷ୍ଟାର ବୋଲର ଜେମ୍ସ ପାଟିନ୍ସନ ତୃତୀୟ ଟେଷ୍ଟରୁ ଓହରି ଯାଇଛନ୍ତି। ସୂଚନାଯୋଗ୍ୟ, ପାଟିନ୍ସନ ଛୁଟି ନେଇ ଘରକୁ ଯାଇଥିଲେ ଏବଂ ଏହି ସମୟରେ ଘରେ ପଡିଯିବା କାରଣରୁ ତାଙ୍କୁ ଆଘାତ ଲାଗିଥିଲା। ତେବେ ଗତ ଦୁଇଟି ଟେଷ୍ଟ ମ୍ୟାଚ୍ରେ ଦଳର ଖେଳୁଥିବା ଏକାଦଶରେ ପାଟିନ୍ସନ ସ୍ଥାନ ପାଇପାରି ନ ଥିଲେ। ମିଚେଲ ଷ୍ଟାର୍କ, ପ୍ୟାଟ କମିନ୍ସ, ଜୋସ ହାଜଲେଉଡ୍ଙ୍କ ସହ ଫାଷ୍ଟ ବୋଲିଂ ବିଭାଗରେ ପାଟିନ୍ସନ ପ୍ରଥମ ବିକଳ୍ପ ଥିଲେ।
