ଟୋକିଓ,୨୦।୩: ପାଠ ପଢ଼ିଲେ ମଧ୍ୟ କେତେକ ଛାତ୍ରୀଛାତ୍ରଙ୍କର ଏହା ମନେ ରହି ନ ଥାଏ। ତେବେ ସମ୍ପ୍ରତି ଜାପାନର ଟୋକିିଓରେ ହୋଇଥିବା ଏକ ଗବେଷଣା ରିପୋର୍ଟରେ ଉଲ୍ଲେଖ କରାଯାଇଛି ଯେ, କାଗଜରେ ପାଠ ଲେଖିଲେ ଅଧିକ ମନେ ରହିବ। ପାଠ ପଢ଼ା ସରିବାରୁ ବହୁ ଘଣ୍ଟା ପର୍ଯ୍ୟନ୍ତ ଏହା ମନେ ରହିଥାଏ। ଅପରପକ୍ଷରେ ପାଠ ପଢ଼ା ସମୟରେ ଏହାକୁ କେବଳ ଶୁଣିଲେ ଏହା କିଛି ସମୟ ପରେ ଭୁଲି ହୋଇଯାଇଥାଏ। ଟୋକିଓ ବିଶ୍ୱବିଦ୍ୟାଳୟର ୧୮ରୁ ୨୯ ବୟସ୍କଙ୍କ ମଧ୍ୟରେ ଏନେଇ ସର୍ଭେ କରାଯାଇଥିଲା। ଲେଖି ପଢ଼ିଲେ ୨୫ ପ୍ରତିଶତ ଶୀଘ୍ର ପାଠ ମନେ ରହିଥାଏ ବୋଲି ପ୍ରଫେସର କୁନିୟୋଶି ଏଲ୍. ସାକାଇ ସୂଚନା ଦେଇଛନ୍ତି। ଏନେଇ ପ୍ରଣ୍ଟିୟରର୍ସ ଇନ୍ ବିହାଭିଓରାଲ ନ୍ୟୁରୋସାଇନ୍ସ୍ ପତ୍ରିକାରେ ରିପୋର୍ଟ ପ୍ରକାଶ ପାଇଛି। ୪୮ ଭଲ୍ୟୁଣ୍ଟର ଏହି ସର୍ଭେରେ ଅଂଶଗ୍ରହଣ କରିଥିଲେ। ସେମାନଙ୍କର ମ୍ୟାଗ୍ନେଟିକ୍ ରିଜୋନାନ୍ସ୍ ଇମେଜିଂ(ଏମ୍ଆର୍ଇ) କରାଯାଇଥିଲା। ଏଥିରୁ ଜଣାପଡ଼ିଥିଲା ଯେ, ଲେଖି ପାଠପଢ଼ିବା ଦ୍ୱାରା ମସ୍ତିଷ୍କର ସ୍ମୃତି ଶକ୍ତି ଉପରେ ସକାରାତ୍ମକ ପ୍ରଭାବ ପଡ଼ିଥାଏ। ମାତ୍ର କେବଳ ମୋବାଇଲ ଅବା କମ୍ପ୍ୟୁଟର କିମ୍ବା ବହି ପଢ଼ିଲେ ଏହା ଅଧିକ ସମୟ ସ୍ମୃତିରେ ରହିପାରି ନ ଥାଏ।
