ଭୁବନେଶ୍ୱର, ୨୪।୭(ବ୍ୟୁରୋ): ସାରା ରାଜ୍ୟରେ ଏବେ ବର୍ଷା ଜାରି ରହିଛି। ଆସନ୍ତା ଦୁଇଦିନ ପର୍ଯ୍ୟନ୍ତ ଏହିଭଳି ବର୍ଷା ଲାଗି ରହିବ। ଏ ନେଇ ବିଭିନ୍ନ ଜିଲାକୁ ୟେଲୋ ଓ୍ବାର୍ନିଂ ଜାରି କରିଛି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର। ରବିବାର ଗଜପତି, ଗଞ୍ଜାମ, କନ୍ଧମାଳ, ପୁରୀ, ଖୋର୍ଦ୍ଧା, କଟକ, ନୟାଗଡ଼, ବୌଦ୍ଧ, ଅନୁଗୋଳ, ଢେଙ୍କାନାଳ, ଦେବଗଡ଼, ସୁନ୍ଦରଗଡ଼, ସମ୍ବଲପୁର ଓ କେନ୍ଦୁଝରରେ ପ୍ରବଳ ବର୍ଷା ହୋଇପାରେ। ଶନିବାର ଯାଜପୁରରେ ସର୍ବାଧିକ ୪୧ମିମି ବର୍ଷା ହୋଇଛି। ସେହିପରି ସୋନପୁରରେ ୩୫, କଟକ ୧୧, ବାଲେଶ୍ୱର ୨୨, ପାରାଦୀପ ୬ ଏବଂ ଚାନ୍ଦବାଲିରେ ୭.୫ମିମି ବର୍ଷ ହୋଇଥିବା ରେକର୍ଡ କରାଯାଇଛି।