ନୂଆଦିଲ୍ଲୀ: ଇନ୍ସଭଲଭେନ୍ସି ଆଣ୍ଡ ବ୍ୟାଙ୍କ୍ରପ୍ସି କାର୍ଯ୍ୟାନୁଷ୍ଠାନକୁ ଆଗାମୀ ୩ ମାସ ବାତିଲ ରଖିବା ନେଇ ସରକାର ନିଷ୍ପତ୍ତି ନେଇଛନ୍ତି। କରୋନା ଯୋଗୁ ଏହି ପ୍ରକ୍ରିୟା ନ କରାଇବାକୁ ସରକାର ବର୍ତ୍ତମାନ ପର୍ଯ୍ୟନ୍ତ ସମୟ ଦେଇଥିଲେ। ଏହାକୁ ଆଉ ୩ ମାସ କୋହଳ କରାଯିବା ପରେ କମ୍ପାନୀଗୁଡିକୁ ଆଶ୍ୱସ୍ତି ମିଳିଥିବା ଜଣାପଡିଛି। ଅର୍ଥାତ୍ ଡିସେମ୍ବର ୨୪ ପରଠାରୁ କମ୍ପାନୀଗୁଡିକ ଲାଗି କୋହଳ ବ୍ୟବସ୍ଥା କରାଯାଇଥିବା କର୍ପୋରେଟ ବ୍ୟାପାର ମନ୍ତ୍ରଣାଳୟ ପକ୍ଷରୁ ଜାରି କରାଯାଇଥିବା ଏକ ନୋଟିଫିକେଶନରେ କୁହାଯାଇଛି। ମାର୍ଚ୍ଚ ୨୪ ସୁଦ୍ଧା ଖିଲାପ ହୋଇଥିବା ମାମଲାଗୁଡିକ ଉପରେ ଏଭଳି କୋହଳ ସୀମା ଲାଗୁ ହୋଇପାରିବ। କରୋନା ମହାମାରୀ ପରେ କମ୍ପାନୀଗୁଡିକୁ ଆଶ୍ୱସ୍ତି ଦେବା ଲାଗି ସରକାର କର୍ପୋରେଟ୍ ଇନ୍ସଲଭେନ୍ସି କାର୍ଯ୍ୟାନୁଷ୍ଠାନ ପ୍ରକ୍ରିୟା କ୍ଷେତ୍ରରେ ୬ ମାସର କୋହଳ ବ୍ୟବସ୍ଥା କରିଥିଲେ। ଏହି ଅବଧିରେ ଖିଲାପକାରୀ କମ୍ପାନୀଗୁଡିକ ଲାଗି କୌଣସି କଠୋର କାର୍ଯ୍ୟାନୁଷ୍ଠାନ ନିଆଯାଇନାହିଁ। ସରକାର ପ୍ରଦାନ କରିଥିବା ୬ ମାସର ଅବଧି ଚଳିତ ମାସ ୨୪ରେ ଶେଷ ହୋଇଛି। ବର୍ତ୍ତମାନ ସରକାର ଇନ୍ସଲଭେନ୍ସି ଆଣ୍ଡ ବ୍ୟାଙ୍କ୍ରପ୍ସି (ଆଇବିସି) ଆଇନରେ ସଂଶୋଧନ କରିଛନ୍ତି। ଏହାଦ୍ୱାରା ସରକାରଙ୍କୁ ଆଇବିସି ପ୍ରକ୍ରିୟାକୁ ସରକାର ଗୋଟିଏ ବର୍ଷ ସମୟସୀମା ମଧ୍ୟରେ ବଢ଼ାଇପାରିବେ। ମାର୍ଚ୍ଚ ୨୫ ପୂର୍ବରୁ ଯେଉଁମାନେ ଖିଲାପ କରିଛନ୍ତି ସେହି ମାମଲାଗୁଡିକ ଏଥିରେ ସାମିଲ ହୋଇନାହିଁ।