ଶାରଜା,୧୧।୧୦: ସ୍ଥାନୀୟ ଶାରଜା କ୍ରିକେଟ ଗ୍ରାଉଣ୍ଡରେ ସୋମବାର ସନ୍ଧ୍ୟାରେ ଖେଳାଯିବ ଚଳିତ ଆଇପିଏଲର ପ୍ରଥମ ଏଲିମିନେଟର। ଏହି ନକ୍ଆଉଟ୍ ମ୍ୟାଚ୍ରେ କୋଲକାତା ନାଇଟ୍ ରାଇଡର୍ସ (କେକେଆର୍) ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ପରସ୍ପରକୁ ଭେଟିବେ। ଗୁରୁତ୍ୱପୂର୍ଣ୍ଣ କଥା ହେଉଛି, ଏହା ଅଧିନାୟକ ବିରାଟ କୋହଲିଙ୍କ ପାଇଁ ଅଧିନାୟକ ଭାବେ ଅନ୍ତିମ ଆଇପିଏଲ ମ୍ୟାଚ୍ ହୋଇପାରେ। ଯଦି ଆରସିବି ଜିତେ, କୋହଲିଙ୍କ ନେତୃତ୍ୱାଧୀନ ଦଳ ଦ୍ୱିତୀୟ ଏଲିମିନେଟରରେ ଦିଲ୍ଲୀ କ୍ୟାପିଟାଲ୍ସକୁ ଭେଟିବ। କିନ୍ତୁ ଫଳାଫଳ ଭିନ୍ନ ହେଲେ ଏହା ଅଧିନାୟକ ଭାବେ କୋହଲିଙ୍କ ଅନ୍ତିମ ମ୍ୟାଚ୍ ହେବ। ଉଲ୍ଲେଖଯୋଗ୍ୟ, ଚଳିତ ସିଜନ ପରେ କୋହଲି ଆଉ ଆଇପିଏଲରେ ଅଧିନାୟକ ଭାର ସମ୍ଭାଳିବେ ନାହିଁ ବୋଲି ଘୋଷଣା କରିସାରିଛନ୍ତି।