ପଦ୍ମପୁର,୭।୧୨(ଡି.ଏନ୍.ଏ): ଭଦ୍ରକ ଜିଲା ବାସୁଦେବପୁର ବଜାର ପୁରୁଣା ଷ୍ଟେଟବ୍ୟାଙ୍କ ଛକ ନିକଟରେ ମଙ୍ଗଳବାର ଏକ ଦୁର୍ଘଟଣା ଘଟିଛି। ହାଇଓ୍ବା ଧକ୍କା ଦେବାରୁ ଜଣେ ଆଇଟିଆଇ ଛାତ୍ରଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି। ମୃତ ଛାତ୍ର ଜଣଙ୍କ ହେଲେ ବିନାୟକପୁର ଗ୍ରାମର ରିଙ୍କୁ ସାହୁ । ସେ ନିୟୁ ଇଣ୍ଡିଆ ସାହି ଛକରେ ରହି ସ୍ଥାନୀୟ ଆଇଟିଆଇର ଦ୍ୱିତୀୟ ବର୍ଷର ଛାତ୍ର ଥିଲେ।
ତାଙ୍କୁ ଜାମଝଡି ଆଡୁ ଆସୁଥିବା ହାଇଓ୍ବା ଧକ୍କା ଦେଇଥଲା। ମୃତ୍ୟୁ ଖବରପାଇ ଅଞ୍ଚଳର ଶତାଧିକ ଛାତ୍ରୀଛାତ୍ର, ଜନସାଧାରଣ ରାସ୍ତା ରୋକୋ କରିଛନ୍ତି। ଫଳରେ ଧାମରା ଜାମଝଡି ରାସ୍ତାର ଉଭୟ ପାଶର୍ବରେ ଶତାଧିକ ଗାଡି ଅଟକି ରହିଛି।