![](https://www.dharitri.com/wp-content/uploads/2024/07/SATA-2-copy-copy-copy-41.jpg)
ଭୁବନେଶ୍ୱର,୨୧।୭(ଅନୁରାଧା ମହାରଣା): ୨୦୨୩-୨୪ ଆର୍ଥିକ ବର୍ଷ ଏବଂ ମୂଲ୍ୟାଙ୍କନ ବର୍ଷ ୨୦୨୪-୨୫ ପାଇଁ ଆୟକର ରିଟନର୍ର୍(ଆଇଟିଆର୍) ଦାଖଲ କରିବାର ସମୟସୀମା ଶେଷହେବାକୁ ଯାଉଛି। ଏଭଳି ପରିସ୍ଥିତିରେ ଯଦି ଟିକସଦାତାମାନେ ଜରିମାନା ଏଡ଼ାଇବା ପାଇଁ ଯଥାଶୀଘ୍ର ରିଟର୍ନ ଦାଖଲ କରିବାକୁ ଚାହୁଁଛନ୍ତି, ତେବେ ହ୍ବାଟ୍ସ୍ଆପ୍ ମାଧ୍ୟମରେ ଆୟକର ରିଟର୍ନ ଦାଖଲ କରିବା ସହଜ ହେଉଛି। ବିଶେଷକରି ଆଉଟସୋର୍ସିଂ ବା ଅସ୍ଥାୟୀ କର୍ମଚାରୀ ହ୍ବାଟ୍ସଆପ୍ ମାଧ୍ୟମରେ ଟିକସ ଦାଖଲ କରିବାକୁ ସହଜ ମଣୁଛନ୍ତି। ହ୍ବାଟ୍ସଆପ୍ରେ ଠିକ୍ ପୈଠ କରିବାକୁ ସର୍ବପ୍ରଥମେ କ୍ଲିୟର ଟ୍ୟାକ୍ସର ହ୍ବାଟ୍ସ୍ଆପ୍ ନମ୍ବର ସେଭ୍ କରି ‘ହାଏ’ ମେସେଜ୍ କରିବାକୁ ପଡ଼ିବ। ପରବର୍ତ୍ତୀ ସମୟରେ ଭାଷା ଚୟନକରି ଆବଶ୍ୟକ ବିବରଣୀ ଯେପରିକି ପ୍ୟାନ୍ ନମ୍ବର, ଆଧାର ନମ୍ବର, ବ୍ୟାଙ୍କ ବିବରଣୀ ଆଦି ଦେବାକୁ ପଡ଼ିବ। ଏହାପରେ ଏଆଇ ବଟ୍ ସାହାଯ୍ୟରେ ଆଇଟିଆର୍ ଫର୍ମ ୧ ରୁ ୪ ପୂରଣକରି ଦେୟ ପ୍ରକ୍ରିୟା ସମାପ୍ତ କରିବାକୁ ହେବ। ଦେୟ ପ୍ରଦାନ ପ୍ରକ୍ରିୟା ସମାପ୍ତହେବା ନେଇ ଉପଭୋକ୍ତାଙ୍କ ନମ୍ବରକୁ ଏକ ମେସେଜ୍ ଆସିବ।