ବେଜିଂ,୧୦।୨: ଶୀତକାଳୀନ ଅଲିମ୍ପିକ୍ସରେ ପୁରୁଷ ଫ୍ରିଷ୍ଟାଇଲ ସ୍କିଙ୍ଗ ବିଗ୍ ଏୟାର ଇଭେଣ୍ଟରେ ଆମେରିକାର କଲବି ଷ୍ଟିଭେନ୍ସନ ରୌପ୍ୟ ପଦକ ଜିତିଛନ୍ତି। ୨୪ ବର୍ଷୀୟା ଅଲିମ୍ପିକ୍ସରେ ଖେଳିବା ଏବଂ ଜିତିବା ଏକ ଚମତ୍କାର ବୋଲି ବିବେଚନା କରାଯାଉଛି। ଷ୍ଟିଭେନ୍ସନଙ୍କ କହିବାନୁସାରେ, ୨୦୧୬ରେ ଏକ ସଡ଼କ ଦୁର୍ଘଟଣାରେ ମୋର ମୁଣ୍ଡରେ ୩୦ଟି ହାଡ ଭାଙ୍ଗିଯାଇଥିଲା। ଏଥିସହିତ ନାକ ଏବଂ ଆଖିରେ ଗଭୀର ଆଘାତ ଲାଗିଥିଲା। ସେତେବେଳେ ଭାବୁଥିଲି ମୁଁ ଆଉ ବଞ୍ଚିବି ନାହିଁ। କାରଣ ମୁଁ ଅସହ୍ୟ ଯନ୍ତ୍ରଣା ଏବଂ ଉଦାସୀନତା ସହିତ ସଂଗ୍ରାମ କରୁଥିଲି। କିନ୍ତୁ ସେହି ଦୁର୍ଘଟଣାରୁ ମୁକ୍ତି ପାଇବା ଏବଂ ୨୦୨୨ ଅଲିମ୍ପିକ୍ସରେ ଯୋଗଦେବା ଏବଂ ରୌପ୍ୟ ପଦକ ଜିତିବା ମୋ ପାଇଁ ଏକ ଚମତ୍କାର। ଏହି ପ୍ରତିଯୋଗିତାରେ ନରୱେର ବିର୍କ ରୁଡ ସ୍ବର୍ଣ୍ଣ ପଦକ ଜିତିଥିଲେ।
ଷ୍ଟିଭେନ୍ସନ କହିଛନ୍ତି, ଦୁର୍ଘଟଣାର ପାଞ୍ଚ ମାସ ପରେ ଖେଳକୁ ଫେରିଥିଲେ, କିନ୍ତୁ ସେହି ସମୟ ଅତ୍ୟନ୍ତ କଷ୍ଟସାଧ୍ୟ ଥିଲା। ଖେଳ ପାଇଁ ନିଜକୁ କିପରି ପ୍ରସ୍ତୁତ କରିବି ମୋର ଆତ୍ମବିଶ୍ୱାସ ନ ଥିଲା। ସେହି ସମୟରେ ସବୁକିଛି ଭୁଲି ମୁଁ ଆଗକୁ ଯାଇ ମୋର ସ୍ବପ୍ନକୁ ସାକାର କଲି। ଆଜି ମୁଁ ପୋଡିୟମରେ ଆପଣଙ୍କ ସାମ୍ନାରେ ଛିଡା ହୋଇଛି ବୋଲି ସେ କହିଛନ୍ତି।
