ଚୌଦାର,୧୨।୭(ଡି.ଏନ୍.ଏ.): ମାସେ ନୁହେଁ କି ବର୍ଷେ ନୁହେଁ। ଆଜକୁ ୪୦ବର୍ଷରୁ ଊର୍ଦ୍ଧ୍ୱ ଦିନ ହେବ ବାସଗୃହ କରି ରହିଛନ୍ତି ଲୋକେ । ହେଲେ ଅସରାଏ ବର୍ଷା ହେଲେ ଘରୁ ବାହାରିବା ସମ୍ଭବ ହୋଇପାରୁନାହିଁ। ପାଣି ନ ଶୁଖିଲା ପର୍ଯ୍ୟନ୍ତ ସ୍ବାଭାବିକ ହୋଇପାରୁନାହିଁ ସ୍ଥିତି। ଖୋଦ ଚୌଦ୍ୱାର ପୌରପାଳିକାର ୫୫ନଂ ଜାତୀୟ ରାଜପଥ କଡରେ ଥିବା କପାଳେଶ୍ୱର ନୂଆସାହିର ୧୭ନଂ ୱାର୍ଡରେ ରହୁଥିବା ୧୨ଟି ପରିବାର ବର୍ଷା ହେଲେ ରାଜପଥର ପାଣି ସହିତ ଉକ୍ତ ୱାର୍ଡର ଉପର ମୁଣ୍ଡରୁ ପାଣି ଗଡି ଏହି ବସ୍ତିରେ ଜମି ରହୁଛି। ଗଲା କିଛି ଦିନ ତଳେ ଅସରାଏ ବର୍ଷା ହୋଇଥିବାବେଳେ ଆଜିପର୍ଯ୍ୟନ୍ତ ବର୍ଷା ପାଣି ଜମା ହୋଇ ରହିଛି। ଫଳରେ ଉକ୍ତ ଅଞ୍ଚଳରେ ରହୁଥିବା ଲୋକ ଓ ଛୋଟ ଛୋଟ ପିଲା ମାନେ ନାହିଁ ନ ଥିବା ସମସ୍ୟା ଦେଇ ଗତି କରୁଛନ୍ତି। ଏ ନେଇ ସେ ବିଭିନ୍ନ ବିଭାଗକୁ ବାରମ୍ବାର ଅଭିଯୋଗ କରିଥିଲେ ସୁଦ୍ଧା କୌଣସି ସୁଫଳ ମିଳିପାରି ନ ଥିବା ବସ୍ତି ବାସିନ୍ଦା କହିଛନ୍ତି। ବର୍ତ୍ତମାନ କରୋନା ମହାମାରୀକୁ ନେଇ ଲୋକେ ଚିନ୍ତାରେ ଥିବା ବେଳେ ଏ ସମସ୍ୟା ଲୋକମାନଙ୍କ ପାଇଁ ଚିନ୍ତାର କାରଣ ପଲିଟିଛି। ତୁରନ୍ତ ପ୍ରଶାସନ ଏହାର ସ୍ଥାୟୀ ସମାଧାନ ନ କଲେ ଲୋକେ ପୌରକାର୍ଯ୍ୟାଳୟ ସମ୍ମୁଖରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି।