ହରଭଙ୍ଗା୪।୧୦(ଡି.ଏନ୍.ଏ.): ବୌଦ୍ଧଜିଲା ପୁରୁଣାକଟକ ଥାନା ଲୁଣିବାହାଲ ଗ୍ରାମ ପଞ୍ଚାୟତ କଣ୍ଟିଆପଦର ଗ୍ରାମର ନେପାଳ ପ୍ରଧାନଙ୍କ ପୁଅ ଜଗଦୀଶ ପ୍ରଧାନ (୨୩) ଗତ ୨ ତାରିଖରୁ ନିଖୋଜ ଅଛନ୍ତି। ଏ ନେଇ ପରିବାର ପକ୍ଷରୁ ପୁରୁଣାକଟକ ଥାନାରେ ଲିଖିତଭାବେ ଅଭିଯୋଗ ହୋଇଛି।
ସୂଚନାଯୋଗ୍ୟ, ଜଗଦୀଶ ପ୍ରଧାନ ନିଜ ସାଇକେଲ ଧରି ଗତ ୨ ତାରିଖ ସକାଳ ସମୟରେ ଘରୁ ବାହାରିଥିଲେ । ରାତି ହେବାପରେ ଘରକୁ ନ ଫେରିବାରୁ ପରିବାର ଲୋକ ଖୋଜାଖୋଜି କରି ତାଙ୍କୁ ପାଇ ନ ଥିଲେ । ପରେ ଶୁଣିବାକୁ ପାଇଥିଲେ ପୁରୁଣାକଟକ ଗ୍ରାମ ପଞ୍ଚାୟତ କମଳପୁରଗ୍ରାମ ନିକଟରେ ଗୋଟିଏ ସାଇକେଲ ଦୁଇ ଦିନ ହେଲା ରହିଛି ।
ପରିବାର ଲୋକେ ସାଇକେଲ ଦେଖି ଏହା ଜଗଦୀଶଙ୍କର ବୋଲି ଚିହ୍ନଟ କରିଛନ୍ତି । ସାଇକେଲ ନିକଟରେ ଜଗଦୀଶ ପିନ୍ଧିଥିବା ଚପଲ ମଧ୍ୟ ପଡିଥିବାର ଦେଖିବାକୁ ମିଳିଛି ।