ମଡେଲ୍ଙ୍କ ସହ ଫ୍ଲଟିଂ କରିବା ଯୁବକଙ୍କୁ ପଡ଼ୁଛି ମହଙ୍ଗା: ଏପରି ଫସୁଛନ୍ତି ଜାଲରେ
09 କାଲିଫର୍ନିଆର ଜଣେ ଇନଷ୍ଟାଗ୍ରାମ ମଡେଲ ପେଜ୍ ୱୁଲେନ ସୋସିଆଲ ମିଡିଆରେ ମହିଳାମାନଙ୍କ ଠକ ପାର୍ଟନରଙ୍କୁ ଧରିବାରେ ସାହାଯ୍ୟ କରୁଛନ୍ତି। ୨୮ ବର୍ଷିୟା ପେଜ୍ଙ୍କ ସୋସିଆଲ ପୃଷ୍ଠାରେ ପ୍ରାୟ ଦୁଇ ଲକ୍ଷ ଫଲୋଅର୍ସ ଅଛନ୍ତି। ତାଙ୍କର @dudesinthedm ନାମକ ଏକ ସାଇଡ ଆକାଉଣ୍ଟ ମଧ୍ୟ ଅଛି। ଯାହା ମାଧ୍ୟମରେ ସେ ଏପରି ପ୍ରେମୀଙ୍କୁ ସିଧାସଳଖ ବାର୍ତ୍ତା ପଠାନ୍ତି ଏବଂ ସେମାନଙ୍କ ଚରିତ୍ର ପରୀକ୍ଷା କରନ୍ତି।
ପେଜ୍ କୁହନ୍ତି, ମୁଁ ଅନେକ ଲୋକଙ୍କୁ ଇନଷ୍ଟାଗ୍ରାମରେ ସିଧାସଳଖ ବାର୍ତ୍ତା ପଠାଉଥିବା ଦେଖିଛି। ଯାହାଙ୍କ ପ୍ରୋଫାଇଲରେ ଫଟୋରେ ତାଙ୍କ ଗର୍ଲଫ୍ରେଣ୍ଡ ଥିବେ। ଏହିପରି ହୃଦୟ ଭାଙ୍ଗୁଥିବା ପ୍ରେମିକଙ୍କୁ ସିଧାସଳଖ ମେସେଜ୍ ଦେବା ପରେ ତାଙ୍କ ସୋସିଆଲ ମିଡିଆରେ ମୁଁ ଚାଟ୍ର ସ୍କ୍ରିନସଟ ପୋଷ୍ଟ କରେ ଏବଂ ଠକମାନଙ୍କୁ ଏକ ଶିକ୍ଷା ଦିଏ।
ନିକଟରେ ସେ ଜଣେ ବ୍ୟକ୍ତିଙ୍କୁ କହିଥିଲେ, ‘ତୁମେ ବହୁତ ସୁନ୍ଦର। ଯଦି ତୁମେ ଅବିବାହିତ ତେବେ ମୁଁ ସାକ୍ଷାତ ବିଷୟରେ ଚିନ୍ତା କରୁଥିଲି । ବ୍ୟକ୍ତି ଜଣକ ତୁରନ୍ତ ଉତ୍ତର ଦେଲେ, ‘ହଁ, ମୁଁ ଅବିବାହିତ। ତୁମର ସ୍ନାପଚାଟ ଅଛି କି’? ସେହିଭଳି ଅନ୍ୟ ଜଣେ ବ୍ୟକ୍ତି ଅବିବାହିତ ବୋଲି ଦାବି କରି ପେଜ୍ଙ୍କ ସହିତ ଫ୍ଲର୍ଟ କରିଥିଲେ। ଯେତେବେଳେ ତାଙ୍କ ଆକାଉଣ୍ଟରେ ଗର୍ଲଫ୍ରେଣ୍ଡଙ୍କ ଫଟୋ ଥିଲା। ସେ କହିଛନ୍ତି ଯେ ଚାଟ୍ରେ ଏପରି ଲୋକଙ୍କ ସହ ବାର୍ତ୍ତାଳାପ କରିବା ଅତ୍ୟନ୍ତ ଆଶ୍ଚର୍ଯ୍ୟଜନକ ଅଟେ।
ଏକ ସାକ୍ଷାତକାରରେ ପେଜ୍ କହିଛନ୍ତି, ବହୁତ ଲୋକ ଅଛନ୍ତି ଯେଉଁମାନେ ମେସେଜ୍ର ଉତ୍ତର ଦେଇ ନାହାଁନ୍ତି। ଅନେକ ପ୍ରେମିକାଙ୍କ ବିଷୟରେ ପୂର୍ବରୁ କହି ଦେଇଥାନ୍ତି। ତେବେ କେବଳ ମହିଳା ଅନୁଗାମୀମାନଙ୍କୁ ସାହାଯ୍ୟ କରିବା ପାଇଁ ଏପରି କରୁଛି ବୋଲି ପେଜ୍ କୁହନ୍ତି।