ଭୁବନେଶ୍ୱର,୨୪।୬(ବ୍ୟୁରୋ): କରୋନା ସଂକ୍ରମଣ ତାଲିକାରେ ଭାରତ ୪ର୍ଥ ସଂକ୍ରମିତ ରାଷ୍ଟ୍ର ପାଲଟିଲାଣି। ଏଭଳି ସ୍ଥିତି ଲାଗି ରହିଲେ ଆଗାମୀ ଏକ ସପ୍ତାହ ମଧ୍ୟରେ ଭାରତ ୩ୟ ସ୍ଥାନକୁ ପହଞ୍ଚିଯିବ। ଓଡ଼ିଶାରେ ଏବେ କରୋନା ଆକ୍ରାନ୍ତଙ୍କ ସଂଖ୍ୟା ୫ହଜାରରୁ ଅଧିକ। ଜୁଲାଇ ଶେଷ ସୁଦ୍ଧା ପରିଣାମ କ’ଣ ହେବ କୁହାଯାଇପାରିବ ନାହିଁ। ଏହାକୁ ଦୃଷ୍ଟିରେ ରଖି ଘରର ପ୍ରତିଟି ବୟସ୍କ ବ୍ୟକ୍ତିଙ୍କୁ ଘଣ୍ଟଘୋଡାଇ ରଖିବାକୁ ପଡ଼ିବ। ଏଥିପାଇଁ ଦଶଟି ଜିନିଷକୁ ଧ୍ୟାନ ରଖିବାକୁ ପଡ଼ିବ ବୋଲି ଗୀତ ଗୋବିନ୍ଦ ସଦନରେ ଆୟୋଜିତ ଖବରଦାତା ସମ୍ମିଳନୀରେ ସୁବ୍ରତୋ ବାଗ୍ଚୀ କହିଛନ୍ତି। ସେଗୁଡ଼ିକ ହେଲା
୧-ତାଙ୍କ ପାଖକୁ ଗଲାବେଳେ ନିଜେ ମାସ୍କ ପିନ୍ଧନ୍ତୁ
୨-ତାଙ୍କର ଯେକୌଣସି ସେବା ଶୁଶ୍ରୁଷା କରିବା ଆଗରୁ ହାତ ସାବୁନରେ ଧୁଅନ୍ତୁ
୩-ତାଙ୍କର ଛୁଇଁବା ଜିନିଷ ଯେପରିକି ଆଶାବାଡ଼ି, ମୋବାଇଲ୍ ଫୋନ୍କୁ ପରିଷ୍କାର ରଖନ୍ତୁ
୪-କୁଟୁମ୍ବ କିମ୍ବା ବନ୍ଧୁମାନଙ୍କୁ ଘରକୁ ଡାକନ୍ତୁ ନାହିଁ
୫-ବୟସ୍କଙ୍କ ସାଙ୍ଗରେ ଘର ଭିତରେ ମଧ୍ୟ ଦୂରତା ରଖନ୍ତୁ
-ଅଯଥା ଡାକ୍ତରଖାନା, କ୍ଲିନିକ୍କୁ ନିଅନ୍ତୁ ନାହିଁ
୭-ଟ୍ରେନ୍, ଉଡାଜାହାଜ୍, ବସ୍ରେ ତାଙ୍କୁ ଯାତ୍ରା କରିବାକୁ ଦିଅନ୍ତୁ ନାହିଁ
୮- ନିଜେ ଭିଡ ଜାଗାକୁ ଯାଆନ୍ତୁ ନାହିଁ, ବାହାରୁ ଆସି ପରିଚ୍ଛନ୍ନତାର ସବୁ ନିୟମ ପାଳନ କର
୯- ବୟସ୍କଙ୍କର ଶାରିରୀକ, ମାନସିକ ହିତ ପ୍ରତି ଧ୍ୟାନ ଦିଅନ୍ତୁ
୧୦- ଜ୍ୱର, ଶ୍ୱାସ କଷ୍ଟର ଲକ୍ଷଣ ଦେଖିଲେ ୧୦୪ ସହ ଯୋଗାଯୋଗ କରନ୍ତୁ
