ମୁମ୍ବାଇ: ବଲିଉଡ୍ ଅଭିନେତା ଅଭିଷେକ ବଚ୍ଚନ ତାଙ୍କ ଫିଲ୍ମ ଦେଖିବା ପାଇଁ ଦର୍ଶକମାନେ କିଣୁଥିବା ଟିକେଟର ମୂଲ୍ୟ ନିକଟରେ ସେ ଋଣୀ ଅଟନ୍ତି ବୋଲି କହିଛନ୍ତି। ସେ କହିଛନ୍ତି, ଯଦି କେହି ମୋ’ ଫିଲ୍ମ ଦେଖିବା ପାଇଁ ଟିକେଟ କିଣୁଛନ୍ତି ତେବେ ତାଙ୍କ ଟ୍ରୋଲ୍ ଶୁଣିବା ମଧ୍ୟ ତାଙ୍କର କର୍ତ୍ତବ୍ୟ ଅଟେ।
ନିକଟରେ ଏକ ସାକ୍ଷାତକାରରେ ଅଭିଷେକ କହିଛନ୍ତି, ଦର୍ଶକଙ୍କ କଥା ଶୁଣିବା ତାଙ୍କର କର୍ତ୍ତବ୍ୟ। ଯିଏ ତାଙ୍କ ଫିଲ୍ମ ଦେଖିଛନ୍ତି, ସେମାନଙ୍କ ପ୍ରତିକ୍ରିୟା ଭଲ କି ଖରାପ ହେଉନା କାହିଁକି ସେ ଶୁଣିବାକୁ ବାଧ୍ୟ। ଅଭିଷେକଙ୍କୁ ଏବେ ‘ଘୁମର’ ଫିଲ୍ମରେ ଜଣେ ଭିନ୍ନ ଦକ୍ଷ କ୍ରିକେଟର ସାୟାମି ଖେରଙ୍କ କୋଚ ଭାବରେ ଦେଖିବାକୁ ମିଳିବ।
ସୋସିଆଲ ମିଡିଆରେ ସେ କହିଛନ୍ତି, ଏହିଠାରେ ମୁଁ ଅନେକ ଲୋକଙ୍କଠାରୁ ଭିନ୍ନ ଅଟେ। ଯେତେବେଳେ କେହି କହନ୍ତି, ‘ତୁମେ ଖରାପ ସମାଲୋଚନାର ମୁକାବିଲା କିପରି କରିବ?’ ମୁଁ କହୁଛି, ‘ମାଗଣାରେ କେହି ଜଣେ ମୋତେ ପରାମର୍ଶ ଦେଉଛନ୍ତି, ମୁଁ ଏହାକୁ କାହିଁକି ଗ୍ରହଣ କରିବି ନାହିଁ?’ ମନ୍ତବ୍ୟ ଭଲ ହେଉ କି ଖରାପ।
ମୁଁ ଜଣେ ଫିଲ୍ମ ଅଭିନେତା, ଯିଏ ଫିଲ୍ମ ନିର୍ମାଣ ଏବଂ ଦର୍ଶକଙ୍କୁ ମନୋରଞ୍ଜନ କରିବା ପାଇଁ ବହୁତ କଠିନ ପରିଶ୍ରମ କରେ କିନ୍ତୁ ତା’ପରେ ମୋର ଦର୍ଶକମାନେ ସେମାନଙ୍କର କଷ୍ଟ ଉପାର୍ଜିତ ଟଙ୍କା ସହିତ ଟିକେଟ କିଣିବେ ଏବଂ ମୋର ଫିଲ୍ମ ଦେଖିବେ ବୋଲି ଆଶା କରନ୍ତି। ସେହି ତିନି ଘଣ୍ଟା ମଧ୍ୟରେ ମୁଁ ସେମାନଙ୍କୁ ସେହି ଟିକେଟର ମୂଲ୍ୟ ନିକଟରେ ଋଣୀ। ଯଦି ମୁଁ ତାହା କରିବି ନାହିଁ ଦର୍ଶକମାନେ ମୋ’ ଉପରେ ବିରକ୍ତି ପ୍ରକାଶ କରୁଛନ୍ତି। ତେଣୁ ଆଜି ମୋତେ ତାହା ଯୋଗାଯୋଗ କରିବାକୁ ସେମାନଙ୍କର ଏକ ପ୍ଲାଟଫର୍ମ ଅଛି। ଯାହାକି ସୋସିଆଲ ମିଡିଆ। ଏଠାରେ ମୁଁ ଦର୍ଶକଙ୍କ ସମସ୍ତ ଭଲ ହେଉ କି ମନ୍ଦ କଥା ଶୁଣିବାକୁ ପସନ୍ଦ କରେ। ସେମାନନଙ୍କ ପ୍ରତ୍ୟେକ କଥା ଶୁଣିବା ମୋର କର୍ତ୍ତବ୍ୟ ବୋଲି ଅଭିଷେକ କହିଛନ୍ତି।