ଓ୍ବାଶିଂଟନ,୭।୧୧: ଆକାଶରୁ ହୀରା ବର୍ଷା ଶୁଣିଲେ ଯେ କେହି ଆଶ୍ଚର୍ଯ୍ୟ ହେବେ। ତେବେ ଏହା ସତ୍ୟ। ଆମ ସୌରମଣ୍ଡଳର ନେପ୍ଚୁନ୍ ଗ୍ରହରେ ଏଭଳି ଘଟଣା ଘଟିଥାଏ। ସୌରମଣ୍ଡଳର ୪ଟି ଗ୍ରହରେ ଗ୍ୟାସ୍ ଭରି ରହିଥିବା ମହାକାଶ ବିଜ୍ଞାନୀମାନେ କହିଥାନ୍ତି। ସେଥିମଧ୍ୟରେ ଶନି, ୟୁରାନ୍ସ୍, ନେପ୍ଚୁନ୍ ଏବଂ ବୃହସ୍ପତି ଆଦି ଗ୍ରହ ରହିଛନ୍ତି। ଏସବୁ ଗ୍ରହକୁ ଦାନବ ଗ୍ରହ ବୋଲି ମହାକାଶ ବିଜ୍ଞାନୀ କୁହନ୍ତି। ନେପ୍ଚୁନ୍ ଗ୍ରହ ପୃଥିବୀଠାରୁ ବହୁ ଦୂରରେ ରହିଛି। ଏଠାକାର ତାପମାତ୍ରା ମାଇନସ୍ ୨୦୦ ଡିଗ୍ରୀ ସେଲସିୟସ୍ ରହିଥାଏ। ଏଠାକାର ବାୟୁମଣ୍ଡଳରେ ହିଲିୟମ୍ ଏବଂ ହାଇଡ୍ରୋଜେନ୍ସ୍ତର ୩ ହଜାର କିଲୋମିଟର ପର୍ଯ୍ୟନ୍ତ ବ୍ୟାପି ରହିଛି। ସେହିପରି ପ୍ରବଳ ଥଣ୍ଡାଯୋଗୁ ୧୭ ହଜାର ୫୦୦ କିଲୋମିଟରର ବରଫସ୍ତର ଏଠାରେ ଅଛି। ପ୍ରଥମଥର ପାଇଁ ୧୮୪୬ ସେପ୍ଟେମ୍ବର ୨୩ରେ ନେପ୍ଚୁନ୍ ଗ୍ରହକୁ ଆବିଷ୍କାର କରାଯାଇଥିଲା। ଏଠାରେ ମିଥେନ୍ ଗ୍ୟାସ୍ ଘଣ୍ଟା ପ୍ରତି ୧,୫୦୦ ମାଇଲ୍ ବେଗରେ ପ୍ରବାହିତ ହୋଇଥାଏ। ନେପ୍ଚୁନ୍ରେ ସବୁବେଳେ ହୀରା ବର୍ଷା ହୋଇଥାଏ। ଏହାକୁ ଗୋଟାଇ ଆଣିବାକୁ ଯଦି ପୃଥିବୀରୁ କେହି ଯାହାନ୍ତି ତେବେ ପ୍ରବଳ ଥଣ୍ଡା ଯୋଗୁ ତାଙ୍କର ମୃତ୍ୟୁ ହେବା ନିଶ୍ଚିତ। ହୀରା ବର୍ଷା ହେଲେ ବି ତାହାର କିଛି ମୂଲ୍ୟ ନ ଥାଏ।
