ବଲିଉଡ ଅଭିନେତ୍ରୀ ସନ୍ନି ଲିଓନି ସୋସିଆଲ ମିଡିଆରେ ପ୍ରାୟତଃ ଚର୍ଚ୍ଚାରେ ଥାନ୍ତି। ନିକଟରେ ସେ ଏକ ଭିଡିଓ ଶେୟାର କରିଛନ୍ତି ଯାହା ଇନଷ୍ଟାଗ୍ରାମରେ ଖୁବ ଭାଇରାଲ ହେଉଛି। ଏହି ଭିଡିଓ ସନ୍ନିଙ୍କ ଘରୁ ଆସିଛି। ଭିଡିଓରେ ସନ୍ନି ଘରେ ଅସରପା ପଶିଯାଇଥିବା ଦେଖାଯାଇଛି। ଏଥିରୁ ରକ୍ଷା ପାଇବା ପାଇଁ ତାଙ୍କ ସ୍ବାମୀ ଡାନିଏଲ ତାଙ୍କୁ ସମ୍ପୂର୍ଣ୍ଣ ସମର୍ଥନ କରୁଛନ୍ତି। ଭିଡିଓ ଏତେ ମଜାଦାର ଯେ ଶେୟାର କରିବାର ଅଳ୍ପ ସମୟ ମଧ୍ୟରେ ଏହା ବହୁତ ଭାଇରାଲ ହେବାରେ ଲାଗିଛି। ପ୍ରଶଂସକଙ୍କ ସହ ଏହି ଭିଡିଓ ଶେୟାର କରି ସନ୍ନି କ୍ୟାପସନରେ ଲେଖିଛନ୍ତି, ମହିଳା ବନାମ ୱାଇଲ୍ଡ। ଏହା ସହିତ ସନ୍ନି ମଧ୍ୟ ସୂଚନା ଦେଇଛନ୍ତି ଯେ, ଏହି ଭିଡିଓ ପ୍ରସ୍ତୁତ କରିବା ସମୟରେ କୌଣସି ଅସରପାକୁ ଆଘାତ ଦିଆଯାଇନାହିଁ। ସନ୍ନି ପ୍ରାୟତଃ ପ୍ରଶଂସକମାନଙ୍କ ସହିତ ତାଙ୍କର ମଜାଳିଆ ଭିଡିଓ ଶେୟାର କରି ପ୍ରଶଂସା ସାଉଁଟି ଥାନ୍ତି।