ଯାଜପୁର ଅଫିସ,୧ା୩:ଯାଜପୁର ଜିଲାରେ ୨୦୧୭ ପଞ୍ଚାୟତ ଓ ୨୦୧୯ ସାଧାରଣ ନିର୍ବାଚନରେ ଭାଜପାର ସଫଳତା ବିଜେଡି ଶିବିରକୁ ଦୋହଲାଇ ଦେଇଥିଲା। ଏଥିରେ ଭାଜପା ନେତା ଓ କର୍ମୀମାନଙ୍କ ମଧ୍ୟରେ ଆମତ୍ବିଶ୍ୱାସ ବଢ଼ିଥିଲା। ପରବର୍ତ୍ତୀ ନିର୍ବାଚନରେ ଦଳ ଆହୁରି ଅଧିକ ଭୋଟ ପାଇବ ବୋଲି ଦଳୀୟ ନେତାମାନେ ଆଶା କରିଥିଲେ। ହେଲେ ଚଳିତ ପଞ୍ଚାୟତ ନିର୍ବାଚନରେ ଭାଜପା ନେତା ଓ କର୍ମୀମାନଙ୍କ ସେହି ଦୃଢ଼ ଆତ୍ମବିଶ୍ୱାସ ଧୂଳିସାତ୍ ହୋଇଛି। ଭାଜପାର ତୁଙ୍ଗ ନେତାମାନେ ପଞ୍ଚାୟତ ନିର୍ବାଚନଠାରୁ ଦୂରେଇ ରହି ଅନ୍ୟ ରାଜ୍ୟର ନିର୍ବାଚନ ଦାୟିତ୍ୱ ନେଇଥିଲେ। ଏହାର ସୁଯୋଗରେ ବିଜେଡି ଠିକ୍ ଗୋଟି ଚାଳନା କରିବାରୁ ବିରୋଧୀ ଧରାଶାୟୀ ହୋଇଛନ୍ତି। ଜିଲାର ୩୯ଟି ଜିଲା ପରିଷଦ ଆସନରୁ ୩ ରୁ ୪ଟିକୁ ବାଦ୍ ଦେଲେ ଅନ୍ୟ ସବୁଠି ବଡ଼ ବ୍ୟବଧାନରେ ଭାଜପା ପରାଜୟ ବରଣ କରିଛି। ଏହାବାଦ୍ ତୈଳ ଦର ବୃଦ୍ଧି, ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ମୂଲ୍ୟ ବୃଦ୍ଧି, ଲୋକଙ୍କ ମୌଳିକ ସମସ୍ୟା ସମାଧାନ କରା ନ ଯିବା, ବେକାର ସମସ୍ୟାର ସମାଧାନ ଦିଗରେ ବିଫଳତା ଇତ୍ୟାଦି ଏହି ପରାଜୟ ପାଇଁ ଦାୟୀ ବୋଲି ମତ ପ୍ରକାଶ ପାଇଛି। ଅନ୍ୟପକ୍ଷେ କଂଗ୍ରେସ ୬ ଜୋନ୍ରେ ୨ ହଜାରରୁ ୬ ହଜାର ପର୍ଯ୍ୟନ୍ତ ଭୋଟ ପାଇ କିଛିଟା ଭୋଟମୁଣିକୁ ବୃଦ୍ଧି କରିବା ଘଟଣା ଭାଜପା ପାଇଁ ଚିନ୍ତାର କାରଣ ହୋଇଛି।
ଗତ ସାଧାରଣ ନିର୍ବାଚନର ଫଳାଫଳ ବିଜେଡି ପାଇଁ ସତର୍କ ଘଣ୍ଟି ବୋଲି ମତ ପ୍ରକାଶ ପାଇଥିଲା। ବିଜେଡି ୪୯.୮୧%, ଭାଜପା ୪୦.୫% ଓ କଂଗ୍ରେସ ପ୍ରାର୍ଥୀ ୭.୬୩% ଭୋଟ ପାଇଥିଲେ। ଭାଜପା ୨୦୧୪ ନିର୍ବାଚନରେ ୧୫.୫୩%ରୁ ୫ ବର୍ଷରେ ୪୦.୫%କୁ ଲମ୍ଫ ମାରିଥିଲା। ୨୦୧୭ରେ ଜିଲା ଭାଜପା ସଙ୍ଗଠନ ସେତେଟା ସୁଦୃଢ ନ ଥିଲେ ହେଁ ପଞ୍ଚାୟତ ନିର୍ବାଚନରେ ଦଳ ୬ ଏବଂ ବିଜେଡି ୩୩ ଜିଲା ପରିଷଦ ଆସନ ହାତେଇଥିଲେ। ଜିଲା ପରିଷଦ ଆସନ ଦଳୀୟ ଚିହ୍ନରେ ମିଳିଥିବା ଜନାଦେଶରୁ ଭାଜପାର ଭୋଟ ହାର ୧୬ ପ୍ରତିଶତରୁ ପ୍ରାୟ ୩୧ ପ୍ରତିଶତକୁ ବୃଦ୍ଧି ଘଟିଥିଲା। ଏହା ୨୦୧୯ ସାଧାରଣ ନିର୍ବାଚନରେ ପ୍ରତିଫଳିତ ହୋଇଥିଲା। ଭାଜପା ଜିଲାରେ ଏକ ଶକ୍ତିଶାଳୀ ଦଳ ଭାବେ ଉଭା ହୋଇଥିଲା। ଜିଲାର ବଡ଼ଚଣା ଓ ବରୀ ନିର୍ବାଚନମଣ୍ଡଳୀରେ କଡ଼ା ଟକ୍କର ହୋଇଥିଲା। ବଡ଼ଚଣାରେ ଭାଜପା ପ୍ରାର୍ଥୀ ମାତ୍ର ୧୪୮୫ ଭୋଟ ଓ ବରୀରେ ଭାଜପା ପ୍ରାର୍ଥୀ ମାତ୍ର ୪,୦୬୨ ଭୋଟ ବ୍ୟବଧାନରେ ହାରିଥିଲେ॥ ବିଶେଷକରି ଯାଜପୁର, ଧର୍ମଶାଳା, କୋରେଇ ଓ ବିଞ୍ଝାରପୁରରେ ମତଦାନ ହାର ହ୍ରାସ ପାଇଥିଲାବେଳେ ସୁକିନ୍ଦା, ବରୀ ଓ ବଡ଼ଚଣାରେ ସାମାନ୍ୟ ମତଦାନ ହାର ବୃଦ୍ଧି ଘଟିଥିଲା। ତଥାପି ୨୦୧୯ ନିର୍ବାଚନରେ ବିଜେଡି ବିଜୟୀ ହୋଇଥିବାରୁ ଏହି ଜନାଧାରକୁ ବଜାୟ ରଖିବାକୁ ଦଳ ପକ୍ଷରୁ ଅନେକ ଜନହିତକର ଯୋଜନା ହାତକୁ ନିଆଯାଇଥିଲା। ବିଜେଡି ନେତା ଓ କର୍ମୀ ନିୟମିତ ଭାବେ ବିଭିନ୍ନ ଯୋଜନା ମାଧ୍ୟମରେ ଲୋକଙ୍କ ଅତି ନିକଟତର ହୋଇଥିଲେ। କିନ୍ତୁ ଭାଜପା ନେତା ଓ କର୍ମୀମାନେ ନୀରବରେ ବସି ରହି କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହାୱା ଉପରେ ଭରସା କରିଥିଲେ।
୨୨ ବର୍ଷର ବିଜେଡି ଶାସନକୁ ଅବଲୋକନ କଲେ ଅପପୁଷ୍ଟି, ପାନୀୟ ଜଳ ସମସ୍ୟା, ଗମନାଗମନା କ୍ଷେତ୍ରରେ ମଧ୍ୟ ଜିଲା ବହୁ ପଛରେ ରହିଛି। କିନ୍ତୁ ଭାଜପାରେ ବଳିଷ୍ଠ ନେତୃତ୍ୱର ଅଭାବ ଓ ଉପଯୁକ୍ତ ଭାବେ ଦୁର୍ନୀତି ସମେତ ବିଭିନ୍ନ ଅନିୟମିତତାର ପ୍ରତିବାଦ କରି ନ ପାରିବାରୁ ଭାଜପାର ଜନମତ ପୁଣି ହ୍ରାସ ପାଇଛି। ଏହାସହ କେତେକ ବରିଷ୍ଠ ନେତା ଓ ଜିଲା ପରିଷଦ ସଭ୍ୟ ବିଜେଡିରେ ମିଶିିଥିଲେ ହେଁ ସେମାନଙ୍କ ଶୂନ୍ୟସ୍ଥାନ ପୂରଣ କରିବାକୁ ଭାଜପା ଆଦୌ ଉଦ୍ୟମ କରି ନ ଥିଲା। ଏହା ଦଳର ବିପର୍ଯ୍ୟୟର ପ୍ରମୁଖ କାରଣ ବୋଲି ମତପ୍ରକାଶ ପାଉଛି। ପ୍ରାୟ ସମସ୍ତ ଜିଲା ପରିଷଦ ଆସନରେ ବିଜେଡି ୨ ହଜାରରୁ ୩ ହଜାର ଭୋଟ ବ୍ୟବଧାନରେ ବିଜୟୀ ହେଉଛି। ଏହାସହ ୧୦ ପଞ୍ଚାୟତ ସମିତି ମଧ୍ୟ ବିଜେଡି ଅକ୍ତିଆର କରିପାରେ ବୋଲି ଆଶା କରାଯାଉଛି। ଅନ୍ୟପକ୍ଷେ କଂଗ୍ରେସ କୋରେଇ ବ୍ଲକ ୧ନଂ.ଜୋନ୍ରେ ୪,୬୫୪, ବରୀ ବ୍ଲକ ୧ନଂ. ଜୋନ୍ରେ ୩୬୯୨, ବଡ଼ଚଣା ବ୍ଲକ ୧ନଂ. ଜୋନ୍ରେ ୨୦୮୬, ବରୀ ବ୍ଲକ ୨ନଂ. ଜୋନ୍ରେ ୫୪୦୮, ବିଞ୍ଝାରପୁର ୨ନଂ. ଜୋନ୍ରେ ୩୩୯୬, କୋରେଇ ୨ନଂ. ଜୋନ୍ରେ ୬୨୩୬ ଭୋଟ ପାଇ କିଛି ଆଖିଦୃଶିଆ ସଫଳତା ଆଣି ପାରିଛି। ହେଲେ ଅର୍ଥବଳ, ବାହୁବଳ ସମେତ ପ୍ରଶାସନିକ କଳକୁ ବ୍ୟବହାର କରି ବିଜେଡି ସବୁଠି ଜିିତି ପାରିଛି ବୋଲି ଭାଜପା କର୍ମୀ ଓ ନେତାମାନେ ଅଭିଯୋଗ କରି ସନ୍ତୁଷ୍ଟ ହେଉଥିବା ଆଲୋଚନାର ବିଷୟ ହୋଇଛି। ଯାଜପୁର ଅଫିସ,୧ା୩
ଯାଜପୁର ଜିଲାରେ ୨୦୧୭ ପଞ୍ଚାୟତ ଓ ୨୦୧୯ ସାଧାରଣ ନିର୍ବାଚନରେ ଭାଜପାର ସଫଳତା ବିଜେଡି ଶିବିରକୁ ଦୋହଲାଇ ଦେଇଥିଲା। ଏଥିରେ ଭାଜପା ନେତା ଓ କର୍ମୀମାନଙ୍କ ମଧ୍ୟରେ ଆମତ୍ବିଶ୍ୱାସ ବଢ଼ିଥିଲା। ପରବର୍ତ୍ତୀ ନିର୍ବାଚନରେ ଦଳ ଆହୁରି ଅଧିକ ଭୋଟ ପାଇବ ବୋଲି ଦଳୀୟ ନେତାମାନେ ଆଶା କରିଥିଲେ। ହେଲେ ଚଳିତ ପଞ୍ଚାୟତ ନିର୍ବାଚନରେ ଭାଜପା ନେତା ଓ କର୍ମୀମାନଙ୍କ ସେହି ଦୃଢ଼ ଆତ୍ମବିଶ୍ୱାସ ଧୂଳିସାତ୍ ହୋଇଛି। ଭାଜପାର ତୁଙ୍ଗ ନେତାମାନେ ପଞ୍ଚାୟତ ନିର୍ବାଚନଠାରୁ ଦୂରେଇ ରହି ଅନ୍ୟ ରାଜ୍ୟର ନିର୍ବାଚନ ଦାୟିତ୍ୱ ନେଇଥିଲେ। ଏହାର ସୁଯୋଗରେ ବିଜେଡି ଠିକ୍ ଗୋଟି ଚାଳନା କରିବାରୁ ବିରୋଧୀ ଧରାଶାୟୀ ହୋଇଛନ୍ତି। ଜିଲାର ୩୯ଟି ଜିଲା ପରିଷଦ ଆସନରୁ ୩ ରୁ ୪ଟିକୁ ବାଦ୍ ଦେଲେ ଅନ୍ୟ ସବୁଠି ବଡ଼ ବ୍ୟବଧାନରେ ଭାଜପା ପରାଜୟ ବରଣ କରିଛି। ଏହାବାଦ୍ ତୈଳ ଦର ବୃଦ୍ଧି, ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ମୂଲ୍ୟ ବୃଦ୍ଧି, ଲୋକଙ୍କ ମୌଳିକ ସମସ୍ୟା ସମାଧାନ କରା ନ ଯିବା, ବେକାର ସମସ୍ୟାର ସମାଧାନ ଦିଗରେ ବିଫଳତା ଇତ୍ୟାଦି ଏହି ପରାଜୟ ପାଇଁ ଦାୟୀ ବୋଲି ମତ ପ୍ରକାଶ ପାଇଛି। ଅନ୍ୟପକ୍ଷେ କଂଗ୍ରେସ ୬ ଜୋନ୍ରେ ୨ ହଜାରରୁ ୬ ହଜାର ପର୍ଯ୍ୟନ୍ତ ଭୋଟ ପାଇ କିଛିଟା ଭୋଟମୁଣିକୁ ବୃଦ୍ଧି କରିବା ଘଟଣା ଭାଜପା ପାଇଁ ଚିନ୍ତାର କାରଣ ହୋଇଛି।
ଗତ ସାଧାରଣ ନିର୍ବାଚନର ଫଳାଫଳ ବିଜେଡି ପାଇଁ ସତର୍କ ଘଣ୍ଟି ବୋଲି ମତ ପ୍ରକାଶ ପାଇଥିଲା। ବିଜେଡି ୪୯.୮୧%, ଭାଜପା ୪୦.୫% ଓ କଂଗ୍ରେସ ପ୍ରାର୍ଥୀ ୭.୬୩% ଭୋଟ ପାଇଥିଲେ। ଭାଜପା ୨୦୧୪ ନିର୍ବାଚନରେ ୧୫.୫୩%ରୁ ୫ ବର୍ଷରେ ୪୦.୫%କୁ ଲମ୍ଫ ମାରିଥିଲା। ୨୦୧୭ରେ ଜିଲା ଭାଜପା ସଙ୍ଗଠନ ସେତେଟା ସୁଦୃଢ ନ ଥିଲେ ହେଁ ପଞ୍ଚାୟତ ନିର୍ବାଚନରେ ଦଳ ୬ ଏବଂ ବିଜେଡି ୩୩ ଜିଲା ପରିଷଦ ଆସନ ହାତେଇଥିଲେ। ଜିଲା ପରିଷଦ ଆସନ ଦଳୀୟ ଚିହ୍ନରେ ମିଳିଥିବା ଜନାଦେଶରୁ ଭାଜପାର ଭୋଟ ହାର ୧୬ ପ୍ରତିଶତରୁ ପ୍ରାୟ ୩୧ ପ୍ରତିଶତକୁ ବୃଦ୍ଧି ଘଟିଥିଲା। ଏହା ୨୦୧୯ ସାଧାରଣ ନିର୍ବାଚନରେ ପ୍ରତିଫଳିତ ହୋଇଥିଲା। ଭାଜପା ଜିଲାରେ ଏକ ଶକ୍ତିଶାଳୀ ଦଳ ଭାବେ ଉଭା ହୋଇଥିଲା। ଜିଲାର ବଡ଼ଚଣା ଓ ବରୀ ନିର୍ବାଚନମଣ୍ଡଳୀରେ କଡ଼ା ଟକ୍କର ହୋଇଥିଲା। ବଡ଼ଚଣାରେ ଭାଜପା ପ୍ରାର୍ଥୀ ମାତ୍ର ୧୪୮୫ ଭୋଟ ଓ ବରୀରେ ଭାଜପା ପ୍ରାର୍ଥୀ ମାତ୍ର ୪,୦୬୨ ଭୋଟ ବ୍ୟବଧାନରେ ହାରିଥିଲେ॥ ବିଶେଷକରି ଯାଜପୁର, ଧର୍ମଶାଳା, କୋରେଇ ଓ ବିଞ୍ଝାରପୁରରେ ମତଦାନ ହାର ହ୍ରାସ ପାଇଥିଲାବେଳେ ସୁକିନ୍ଦା, ବରୀ ଓ ବଡ଼ଚଣାରେ ସାମାନ୍ୟ ମତଦାନ ହାର ବୃଦ୍ଧି ଘଟିଥିଲା। ତଥାପି ୨୦୧୯ ନିର୍ବାଚନରେ ବିଜେଡି ବିଜୟୀ ହୋଇଥିବାରୁ ଏହି ଜନାଧାରକୁ ବଜାୟ ରଖିବାକୁ ଦଳ ପକ୍ଷରୁ ଅନେକ ଜନହିତକର ଯୋଜନା ହାତକୁ ନିଆଯାଇଥିଲା। ବିଜେଡି ନେତା ଓ କର୍ମୀ ନିୟମିତ ଭାବେ ବିଭିନ୍ନ ଯୋଜନା ମାଧ୍ୟମରେ ଲୋକଙ୍କ ଅତି ନିକଟତର ହୋଇଥିଲେ। କିନ୍ତୁ ଭାଜପା ନେତା ଓ କର୍ମୀମାନେ ନୀରବରେ ବସି ରହି କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହାୱା ଉପରେ ଭରସା କରିଥିଲେ।
୨୨ ବର୍ଷର ବିଜେଡି ଶାସନକୁ ଅବଲୋକନ କଲେ ଅପପୁଷ୍ଟି, ପାନୀୟ ଜଳ ସମସ୍ୟା, ଗମନାଗମନା କ୍ଷେତ୍ରରେ ମଧ୍ୟ ଜିଲା ବହୁ ପଛରେ ରହିଛି। କିନ୍ତୁ ଭାଜପାରେ ବଳିଷ୍ଠ ନେତୃତ୍ୱର ଅଭାବ ଓ ଉପଯୁକ୍ତ ଭାବେ ଦୁର୍ନୀତି ସମେତ ବିଭିନ୍ନ ଅନିୟମିତତାର ପ୍ରତିବାଦ କରି ନ ପାରିବାରୁ ଭାଜପାର ଜନମତ ପୁଣି ହ୍ରାସ ପାଇଛି। ଏହାସହ କେତେକ ବରିଷ୍ଠ ନେତା ଓ ଜିଲା ପରିଷଦ ସଭ୍ୟ ବିଜେଡିରେ ମିଶିିଥିଲେ ହେଁ ସେମାନଙ୍କ ଶୂନ୍ୟସ୍ଥାନ ପୂରଣ କରିବାକୁ ଭାଜପା ଆଦୌ ଉଦ୍ୟମ କରି ନ ଥିଲା। ଏହା ଦଳର ବିପର୍ଯ୍ୟୟର ପ୍ରମୁଖ କାରଣ ବୋଲି ମତପ୍ରକାଶ ପାଉଛି। ପ୍ରାୟ ସମସ୍ତ ଜିଲା ପରିଷଦ ଆସନରେ ବିଜେଡି ୨ ହଜାରରୁ ୩ ହଜାର ଭୋଟ ବ୍ୟବଧାନରେ ବିଜୟୀ ହେଉଛି। ଏହାସହ ୧୦ ପଞ୍ଚାୟତ ସମିତି ମଧ୍ୟ ବିଜେଡି ଅକ୍ତିଆର କରିପାରେ ବୋଲି ଆଶା କରାଯାଉଛି। ଅନ୍ୟପକ୍ଷେ କଂଗ୍ରେସ କୋରେଇ ବ୍ଲକ ୧ନଂ.ଜୋନ୍ରେ ୪,୬୫୪, ବରୀ ବ୍ଲକ ୧ନଂ. ଜୋନ୍ରେ ୩୬୯୨, ବଡ଼ଚଣା ବ୍ଲକ ୧ନଂ. ଜୋନ୍ରେ ୨୦୮୬, ବରୀ ବ୍ଲକ ୨ନଂ. ଜୋନ୍ରେ ୫୪୦୮, ବିଞ୍ଝାରପୁର ୨ନଂ. ଜୋନ୍ରେ ୩୩୯୬, କୋରେଇ ୨ନଂ. ଜୋନ୍ରେ ୬୨୩୬ ଭୋଟ ପାଇ କିଛି ଆଖିଦୃଶିଆ ସଫଳତା ଆଣି ପାରିଛି। ହେଲେ ଅର୍ଥବଳ, ବାହୁବଳ ସମେତ ପ୍ରଶାସନିକ କଳକୁ ବ୍ୟବହାର କରି ବିଜେଡି ସବୁଠି ଜିିତି ପାରିଛି ବୋଲି ଭାଜପା କର୍ମୀ ଓ ନେତାମାନେ ଅଭିଯୋଗ କରି ସନ୍ତୁଷ୍ଟ ହେଉଥିବା ଆଲୋଚନାର ବିଷୟ ହୋଇଛି।