ଅହମ୍ମଦାବାଦ,୧୨।୩ : ସ୍ଥାନୀୟ ନରେନ୍ଦ୍ର ମୋଦି ଷ୍ଟାଡିୟମରେ ଚାଲିଥିବା ଇଂଲଣ୍ଡ ବିପକ୍ଷ ପ୍ରଥମ ଟି୨୦ ମ୍ୟାଚ୍ରେ ଭାରତୀୟ ଦଳର ଟପ୍ ଅର୍ଡର ଫେଲ ମାରିଛି। ୧୦ ଓଭର ସୁଦ୍ଧା ଭାରତ ୪୮ ରନ୍ରେ ୪ ଉଇକେଟ ହରାଇ ସଙ୍କଟରେ ପଡ଼ିଛି। ଶ୍ରେୟାସ ଆୟର ୨୧ ରନ୍ କରି ଖେଳୁଥିବାବେଳେ ହାର୍ଦ୍ଦିକ ପାଣ୍ଡ୍ୟା ଖାତା ଖୋଲି ନାହାନ୍ତି। ଶିଖର ଧାଓ୍ବନ ୪, ଲୋକେଶ ରାହୁଲ ୧ ଓ ଋଷଭ ପନ୍ତ ୨୧ ରନ୍ କରି ଆଉଟ୍ ହୋଇଥିବାବେଳେ ଖାତା ଖୋଲି ପାରି ନ ଥିଲେ ଅଧିନାୟକ ବିରାଟ କୋହଲି। ଇଂଲଣ୍ଡ ପକ୍ଷରୁ ଆଦିଲ ରସିଦ, ଜୋଫ୍ରା ଆର୍ଚ୍ଚର, ମାର୍କ ଉଡ୍ ଓ ବେନ ଷ୍ଟୋକ୍ସ ଗୋଟିଏ ଲେଖାଏ ଉଇକେଟ ନେଇଛନ୍ତି।