ଭାରତୀୟ ଖାଦ୍ୟର ଏକ ଗୁରୁତ୍ୱପୂର୍ଣ୍ଣ ଅଂଶ ହେଉଛି ପଣସ। ତେଣୁ ଦେଶର ପ୍ରତ୍ୟେକ ଘରେ ଏହାକୁ କଞ୍ଚା ଏବଂ ପାଚିଲା ଖିଆଯାଏ। ଯଦି କେହି ଆପଣଙ୍କୁ କୁହନ୍ତି କଞ୍ଚା ପଣସ ହଜାର ହଜାର ଟଙ୍କାରେ ବିକ୍ରି ହେଉଛି, ତେବେ ନିଶ୍ଚିତ ଭାବରେ ଆଶ୍ଚର୍ଯ୍ୟ ହେବେ। ଏବେ ଲଣ୍ଡନରେ ଏକ ପଣସ ବିକ୍ରି ହେଉଛି। ଯାହାର ଦାମ୍ ୧୬୦୦୦ ଟଙ୍କା। ଏହାକୁ ଜଣେ ଖବରଦାତା ଫଟୋ ଉଠାଇ ସୋସିଆଲ ମିଡିଆରେ ଶେୟାର କରିଛନ୍ତି। ଏବେ ଏହା ଭାଇରାଲ ହେବାରେ ଲାଗିଛି।
ଲଣ୍ଡନର ସର୍ବବୃହତ ତଥା ପୁରାତନ ବଜାର ବୋରଓ୍ବୋ ମାର୍କେଟରେ ବିସିସିଆଇର ଖବରଦାତା କାର୍ଡୋ ସେନ୍ରା ଏହି ଫଟୋକୁ କ୍ଲିକ କରିଛନ୍ତି। ଯେଉଁଠି ଏକ କଞ୍ଚା ପଣସ ୧୬୦ ପାଉଣ୍ଡ ଅର୍ଥାତ୍ ଭାରତୀୟ ମୁଦ୍ରାରେ ପ୍ରାୟ ୧୬୦୦୦ ହଜାର ଟଙ୍କାରେ ବିକ୍ରି ହେଉଥିଲା। ପଣସର ଦାମ୍ ଦେଖି ଅନେକ ଲୋକଙ୍କ ହୋସ୍ ଉଡ଼ିଗଲା। ଖବରଦାତାଙ୍କ ଭାଇରାଲ ପୋଷ୍ଟ ଦେଖିବା ପରେ, କିଛି ଲୋକ ମଜାରେ କହିଛନ୍ତି ପଣସ ବିକି ଲୋକେ କୋଟିପତି ହୋଇଯିବେ।
ପଣସର ଦାମ୍ ଅନ୍ୟାନ୍ୟ ଦେଶରେ ମଧ୍ୟ ବହୁତ ଶସ୍ତା। ଏପରିକି ଅନେକ ସ୍ଥାନରେ ମାଗଣାରେ ଗଛରୁ ଲୋକେ ତୋଳି ଥାନ୍ତି। ଏପରିସ୍ଥିତିରେ ଲୋକେ ଯେତେବେଳେ ଏତେ ଦାମ୍ରେ ପଣସ ଦେଖିଲେ, ଆଶ୍ଚର୍ଯ୍ୟ ହେବା ସ୍ବାଭାବିକ। ବ୍ରିଟେନ ପରି ଥଣ୍ଡା ଦେଶରେ କଞ୍ଚାଫଳ ବ୍ୟବସାୟ ବୃଦ୍ଧି ହୋଇପାରିବ ନାହିଁ। ଫଳସ୍ବରୂପ ଏହାର ଚାହିଦା ଅଧିକ ମାତ୍ର ଯୋଗାଣ କମ୍। ତେଣୁ ଏତେ ଦାମ୍ରେ ବିକ୍ରି ହେବା ସାଧାରଣ କଥା।
ଏହିପରି ଏକ ମହଙ୍ଗା ପଣସ ଦେଖି ଅନେକ ଲୋକ କହିଛନ୍ତି, ଯେଉଁ ଦେଶରେ ପଣସ ହୋଇଥାଏ ଲୋକେ ଏହାକୁ ଗୁରୁତ୍ୱ ଦେଇ ନ ଥାନ୍ତି। ମାତ୍ର ଯେଉଁ ଦେଶରେ ଏହାର ଆମଦାନୀ କମ୍ ସେଠାରେ ଚାହିଦା ବଢ଼ିବ। ପଣସ ଶାକାହାରୀ ଲୋକଙ୍କ ବହୁ ପସନ୍ଦ।