ମୁମ୍ବାଇ : ସମ୍ପ୍ରତିି ଇଣ୍ଡିଆ ବନାମ ଭରତ ବିଷୟରେ ଦେଶରେ ଏକ ନୂଆ ବିତର୍କ ଚାଲିଛି। ବିରୋଧୀଦଳ ଅଭିଯୋଗ କରିଛନ୍ତି କେନ୍ଦ୍ର ସରକାର ଇଣ୍ଡିଆ ଶବ୍ଦକୁ ସମ୍ବିଧାନରୁ ହଟାଇ ଭାରତ ଭାବେ ବଦଳାଇବାକୁ ଯାଉଛନ୍ତି। ବର୍ତ୍ତମାନ ବଲିଉଡ ଅଭିନେତାମାନେ ମଧ୍ୟ ନେତାଙ୍କ ଏହି ବିତର୍କରେ ଯୋଗ ଦେଇଛନ୍ତି।
ବଲିଉଡ ଅଭିନେତା ଜ୍ୟାକି ଶ୍ରଫ ଓରଫ ଜ୍ୟାକି ଦାଦା ଇଣ୍ଡିଆ ଏବଂ ଭାରତ ଉପରେ ଏକ ବଡ଼ ବିବୃତ୍ତି ଦେଇଛନ୍ତି। ଏକ ଗଣମାଧ୍ୟମର ପ୍ରଶ୍ନର ଉତ୍ତର ଦେଇ ଜ୍ୟାକି ଶ୍ରଫ କହିଛନ୍ତି ଯଦି ଭାରତକୁ ଭାରତ କୁହାଯାଉଛି ତେବେ ଏଥିରେ କ’ଣ ଭୁଲ ଅଛି?
ଜ୍ୟାକି ଦାଦା କହିଛନ୍ତି ଆମ ଦେଶକୁ ଇଣ୍ଡିଆ ମଧ୍ୟ କୁହାଯାଏ କିନ୍ତୁ ସତ୍ୟରେ ପରିବର୍ତ୍ତନ ହେବ ନାହିଁ। ଜ୍ୟାକି କହିଛନ୍ତି ଅନେକ ଲୋକ ତାଙ୍କ ନାମକୁ ଭୁଲ ଭାବରେ ଉଚ୍ଚାରଣ କରନ୍ତି, କିନ୍ତୁ ବାସ୍ତବତା ବଦଳିବ ନାହିଁ। ଅଭିନେତାମାନଙ୍କ ମଧ୍ୟରେ ଜ୍ୟାକି ଶ୍ରଫ ଅଛନ୍ତି, ଯେଉଁମାନଙ୍କୁ ଜି-୨୦ ଶିଖର ସମ୍ମିଳନୀ ଭୋଜନ ପାଇଁ ନିମନ୍ତ୍ରଣ ପଠା ଯାଇଛି।