କିଛି ଲୋକଙ୍କ ଭିତରେ ଏମିତି କିଛି ସ୍ବତନ୍ତ୍ରତା ଥାଏ, ଯାହା ସେମାନଙ୍କୁ ଭିନ୍ନ ପରିଚୟ ଦେଇଥାଏ। ଆମେରିକା ମାସାଚୁସେଟ୍ରେ ରହୁଥିବା ଜ୍ୟାକବ୍ ପିନା ହେଉଛନ୍ତି ସେମିତି ଜଣେ ଯୁବକ। ତାଙ୍କ ପାଖରେ ଅଛି ଏମିତି ଏକ ଖାସ୍ ସ୍ବତନ୍ତ୍ରତା, ଯାହାକୁ ନ ଦେଖିଲେ ବିଶ୍ୱାସ କରି ହେବନି। କାରଣ ତାଙ୍କର ଅଛି ଏକ ଜାଦୁ ଆଙ୍ଗୁଠି, ଯାହାକୁ ସେ ନିଜ ଇଛା ଅନୁସାରେ ବଡ଼ ଓ ଛୋଟ କରିପାରନ୍ତି। ଭାବୁଥିବେ ଏମିତି କ’ଣ କେବେ ସମ୍ଭବ। କିନ୍ତୁ ସୋସିଆଲ ମିଡିଆରେ ଶେୟାର କରିଥିବା ତାଙ୍କର ଭିଡିଓ ଓ ଫଟୋ ଦେଖିଲେ ଆପଣ ବିଶ୍ୱାସ କରିବାକୁ ବାଧ୍ୟ ହେବେ ଯେ, ସତରେ ସେ ସବୁ ମଣିଷଙ୍କଠାରୁ ଭିନ୍ନ ଓ ସ୍ବତନ୍ତ୍ର। ତାଙ୍କର ଏଇ ଇଶ୍ୱରପ୍ରଦତ୍ତ ସ୍ବତନ୍ତ୍ରତା ଯୋଗୁ ସେ ନିଜ ଆଙ୍ଗୁଠିକୁ ନିର୍ଦ୍ଦେଶ ଦେଇ ୫.୫ ଇଞ୍ଚ ପର୍ଯ୍ୟନ୍ତ ଲମ୍ବା କରିପାରନ୍ତି। ଆଉ ଚାହିଁଲେ ତାକୁ ସାଧାରଣ ଆକାରକୁ ବି ଫେରାଇ ଆଣିପାରନ୍ତି। ଏହି ଦୃଶ୍ୟକୁ ଦେଖିଲେ ଜାଦୁ ଦେଖିଲା ପରି ମନେ ହେବ। ଖାଲି ସେତିକି ନୁହେଁ ସେ ତାଙ୍କ ଆଙ୍ଗୁଠିକୁ ମୋଡିବା ସହ ଭାଙ୍ଗି ମଧ୍ୟ ପାରନ୍ତି। ଆଉ ତାକୁ ଠିକ୍ ମଧ୍ୟ କରିପାରନ୍ତି। ତେବେ ଅନେକେ କହନ୍ତି ଏହା ଜେନେଟିକ୍ସ ପାଇଁ ସମ୍ଭବ ହେଉଛି।
