ମୁମ୍ବାଇ: ବଲିଉଡ୍ ଅଭିନେତ୍ରୀ ଜ୍ୟାକଲିନ୍ ଫର୍ନାଣ୍ଡିଜ ବୁଧବାର ଇଡିରେ ହାଜରେ ହେଇଛନ୍ତି। ମନି ଲଣ୍ଡ୍ରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟରେ ସେ ହାଜର ହୋଇଛନ୍ତି। ସୁକେଶ ଚନ୍ଦ୍ରଶେଖର ସହ ଜଡିତ ୨୦୦ କୋଟି ଟଙ୍କା ଠକେଇ ମାମଲାରେ ତାଙ୍କୁ ଇଡି ପଚରାଉଚରା କରୁଛି।
ଏହା ପୂର୍ବରୁ ମଧ୍ୟ ଜ୍ୟାକଲିନ୍ଙ୍କୁ ମୁମ୍ବାଇ ବିମାନ ବନ୍ଦରେ ଅଟକ ରଖି ଇଡି କିଛି ଘଣ୍ଟା ପଚରାଉଚରା କରିଥିଲା। ଆଜି ଇଡି କାର୍ଯ୍ୟାଳୟରେ ସାକ୍ଷୀ ଭାବରେ ଜ୍ୟାକଲିନଙ୍କୁ ପଚରାଉଚରା କରାଯାଉଛି। ଜ୍ୟାକଲିନ୍ଙ୍କୁ ପଚରାଉଚରା କରିବା ପାଇଁ ଇଡି ଅଧିକାରୀମାନେ ୫୦ ପ୍ରଶ୍ନର ଏକ ଲମ୍ବା ତାଲିକା ପ୍ରସ୍ତୁତ କରିଛନ୍ତି ବୋଲି କୁହାଯାଉଛି। ଏଥିରେ ସୁକେଶଙ୍କ ବଟି ଆଦାୟ, ଠକେଇ ସମେତ ଜ୍ୟାକଲିନ୍ଙ୍କ ସମ୍ପର୍କ ଉପରେ ମଧ୍ୟ ପ୍ରଶ୍ନ ସାମିଲ ଅଛି। ଏହାପୂର୍ବରୁ ଅଭିନେତ୍ରୀଙ୍କ ବିରୋଧରେ ଇଡି ଲୁକ୍ ଆଉଟ ନୋଟିସ ଜାରି କରିଥିଲା। ଜ୍ୟାକଲିନ୍ ଦେଶ ଛାଡି ବିଦେଶକୁ ପଳାଇବା ନେଇ ଇଡି ଅଶଙ୍କା କରିଥିଲା। ରବିବାର ସନ୍ଧ୍ୟାରେ ମୁମ୍ବାଇ ବିମାନ ବନ୍ଦରରେ ଜ୍ୟାକଲିନ୍ଙ୍କୁ ଇଡି ଅଟକ ରଖିଥିଲା।