ମୁମ୍ବାଇ: ସାଜିଦ ନାଡିୱାଡୱାଲାଙ୍କ ଆକ୍ସନ କମେଡି ଫିଲ୍ମ ବଚ୍ଚନ ପାଣ୍ଡେରେ ଏବେ ଆଉ ଜଣେ ବଲିଉଡ୍ ସେଲିବ୍ରିଟିଙ୍କ ନାଁ ସାମିଲ ହୋଇଯାଇଛି । ସୁପରଷ୍ଟାର ଅକ୍ଷୟ କୁମାର, କ୍ରିତି ସାନନ, ଅରଶଦ ୱାରସିଙ୍କ ଭଳି ଏବେ ଏମାନଙ୍କ ସହ ସାମିଲ ହୋଇଛନ୍ତି ଜ୍ୟାକଲିନ ଫର୍ଣ୍ଣାଡିଜ । ଆସନ୍ତାବର୍ଷ ଜାନୁୟାରୀରେ ଏହାର ଶୁଟିଂ ଆରମ୍ଭ କରିବାକୁ ଥିବା ସମୟରେ ଏଥିରେ ଜ୍ୟାକଲିନ ସମ୍ପୂର୍ଣ୍ଣ ନୂଆ ଅବତାରରେ ନଜର ଆସିବେ । ଫିଲ୍ମକୁ ନେଇ ଜ୍ୟାକଲିନ କହିଛନ୍ତି ଇଣ୍ଡଷ୍ଟ୍ରିରେ ନୂଆ ନୂଆ ପ୍ରବେଶ କରିବା ସମୟରେ ସେ ନାଡିୱାଡୱାଲାଙ୍କ ସହ ହାଉସ ଫୁଲରେ କାମ କରିଥିଲେ । ଏହାପରେ ନାଡିୱାଡୱାଲାଙ୍କ ସହ ତାଙ୍କର ସମ୍ପର୍କ ବଢି ଯାଇଥିଲା । ଆଉ ଏବେ ପୁଣିଥରେ ତାଙ୍କ ସହ କାମ କରିବାକୁ ନେଇ ସେ ଖୁବ୍ ଉତ୍ସାହିତ ଥିବା କହିଛନ୍ତି ଜ୍ୟାକଲିନ ।