ନୂଆଦିଲ୍ଲୀ,୨୪ ।୧୧: ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ନାଡିଜଙ୍କୁ ବଡ ଆଶ୍ୱସ୍ତି ମିଳିଛି । ଠକ ସୁକେଶ ଚନ୍ଦ୍ରଶେଖରଙ୍କ ମନି ଲଣ୍ଡରିଂ ମାମଲାରେ ଗୁରୁବାର ଦିଲ୍ଲୀ ପଟିଆଲା ହାଉସ କୋର୍ଟରେ ଶୁଣାଣି ହେବାର ଥିଲା । ହେଲେ କୋର୍ଟ ଜ୍ୟାକଲିନଙ୍କ ଉପରେ ଆସିଥିବା ଅଭିଯୋଗକୁ ନେଇ କୌଣସି ଶୁଣାଣି ନ କରି ଏହାକୁ ୧୨ ଡିସେମ୍ବର ପର୍ଯ୍ୟନ୍ତ ଘୁଞ୍ଚାଇ ଦେଇଛନ୍ତି । ଏହାର ଅର୍ଥ ଏବେ ଜ୍ୟାକଲିନ ଫର୍ନାଡିଜଙ୍କୁ ମିଳିଥିବା ଜାମିନ ଉପରେ ୧୮ ଦିନ ପରେ ଶୁଣାଣି ହେବ । ସୂଚନାଯୋଗ୍ୟ, ଠକ ସୁକେଶ ଚନ୍ଦଶେଖରଙ୍କ ସହ ୨୦୦ କୋଟି ମନି ଲଣ୍ଡରିଂ ମାମଲାରେ ଜ୍ୟାକଲିନଙ୍କ ନାମ ଯୋଡି ହେବା ପାରଠାରୁ ତାଙ୍କ ସମସ୍ୟା ବଢିବାରେ ଲାଗିଛି ।
ଯେବେଠାରୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ତା’ର ଚାର୍ଜସିଟରେ ଅଭିନେତ୍ରୀଙ୍କୁ ଅଭିଯୁକ୍ତ ବୋଲି ଦର୍ଶାଇଛି ସେବେଠାରୁ ତାଙ୍କୁ ଗିରଫ କରିବାକୁ ଦାବି ହୋଇ ଆସୁଛି । ତେବେ ଜ୍ୟାକଲିନଙ୍କୁ ଜାମିନ ମିଳିବା ସମୟରେ ଇଡି କହିଥିଲା କି ଅଭିନେତ୍ରୀଙ୍କ ପାଖରେ ପ୍ରଚୁର ପରିମାଣର ଅର୍ଥ ରହିଛି ତେଣୁ ସେ ସହଜରେ ଦେଶ ବାହାରକୁ ଚାଲି ଯାଇ ପାରନ୍ତି । ହେଲେ କୋର୍ଟ କହିଥିଲେ ଯେତେବେଳେ ଏଲଓସି ଜାରି ହୋଇ ସାରିଛି ଓ ବାକି ଅଭିଯୁକ୍ତ ଜେଲରେ ଅଛନ୍ତି ସେତେବେେ ଗ୍ୟାକଲିନଙ୍କୁ କାହିଁକି ଗିରଫ କରାଯାଇ ନାହିଁ ।
