କଲମ୍ବୋ,୧୩।୯: ଭାରତୀୟ ଦଳର ଅଲରାଉଣ୍ଡର ରବିନ୍ଦ୍ର ଜାଡେଜା ଏସିଆ କପ ୨୦୨୩ରେ ଏକ ବଡ଼ ରେକର୍ଡ ସୃଷ୍ଟି କରିଛନ୍ତି। ବର୍ତ୍ତମାନ ଭାରତ ପାଇଁ ଏସିଆ କପ ଟୁର୍ନାମେଣ୍ଟରେ ସର୍ବାଧିକ ଉଇକେଟ ନେଇ ଜାଡେଜା ପ୍ରଥମ ସ୍ଥାନରେ ପହଞ୍ଚିଛନ୍ତି। ଏହି ପ୍ରସଙ୍ଗରେ ସେ ପୂର୍ବତନ ଭାରତୀୟ ବୋଲର ଇରଫାନ ପଠାନଙ୍କୁ ପଛରେ ପକାଇଛନ୍ତି। ତାଙ୍କ ନାମରେ ଏହି ରେକର୍ଡ କରାଯାଇଥିଲା। ଏସିଆ କପ୍ର ଦିନିକିଆ ଫର୍ମାଟରେ ଖେଳାଯାଇଥିବା ମ୍ୟାଚରେ ଜାଡେଜା ଏହି ସଫଳତା ହାସଲ କରିଛନ୍ତି।
ଶ୍ରୀଲଙ୍କା ବିପକ୍ଷ ସୁପର-୪ ମ୍ୟାଚ୍ରେ ରବୀନ୍ଦ୍ର ଜାଡେଜା ଦାସୁନ ଶାନାକାଙ୍କୁ ଆଉଟ୍ କରି ଏହି ସଫଳତା ହାସଲ କରିଥିଲେ। ଭାରତୀୟ ଦଳ ପାଇଁ ଇରଫାନ ପଠାନ ଏସିଆ କପରେ ୧୨ଟି ମ୍ୟାଚ ଖେଳି ହାରାହାରି ୨୭.୫୦ରେ ୨୨ଟି ଉଇକେଟ ନେଇଥିଲେ। ଏହି ମ୍ୟାଚ ଆରମ୍ଭ ପୂର୍ବରୁ ଜାଡେଜାଙ୍କ ନାମରେ ମଧ୍ୟ ସମାନ ସଂଖ୍ୟକ ଉଇକେଟ ନେଇଥିଲେ। ତେବେ ଏସିଆ କପରେ ୧୮ ଟି ମ୍ୟାଚ ପରେ ଜାଡେଜା ୨୪ ଉଇକେଟ ନେଇଛନ୍ତି।
ଏସିଆ କପ୍ର ଦିନିକିଆ ଫର୍ମାଟରେ ସର୍ବାଧିକ ଉଇକେଟ ନେଇ ଶ୍ରୀଲଙ୍କାର କିମ୍ବଦନ୍ତୀ ପୂର୍ବତନ ଖେଳାଳି ମୁଥିଆ ମୁରଲୀଥରନ ପ୍ରଥମ ସ୍ଥାନରେ ଅଛନ୍ତି। ଏସିଆ କପ ଇତିହାସରେ ୨୪ଟି ମ୍ୟାଚ ଖେଳି ମୁରଲୀ ୩୦ ଉଇକେଟ ନେଇଥିଲେ। ଏହା ପରେ ଲାସିଥ ମାଲିଙ୍ଗା ୨୯ ଉଇକେଟ ସହ ଦ୍ୱିତୀୟ ସ୍ଥାନରେ ଏବଂ ଅଜନ୍ତା ମେଣ୍ଡିସ ୨୬ ଉଇକେଟ ସହ ତୃତୀୟ ସ୍ଥାନରେ ଅଛନ୍ତି। ଜାଡେଜା ବର୍ତ୍ତମାନ ଏହି ପ୍ରସଙ୍ଗରେ ପଞ୍ଚମ ସ୍ଥାନରେ ଅଛନ୍ତି।