ନୂଆଦିଲ୍ଲୀ,୨୩।୧: ରବିନ୍ଦ୍ର ଜାଡେଜା ଇଂଲଣ୍ଡ ବିପକ୍ଷରେ ହେବାକୁ ଥିବା ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରୁ ବାହାର ହୋଇଛନ୍ତି। ସମୟରେ ଫିଟ୍ ହେଉ ନ ଥିବା କାରଣରୁ ଏଭଳି ନିଷ୍ପତ୍ତି ନିଆଯାଇଛି। ପୂର୍ବରୁ ସେ ପ୍ରଥମ ଦୁଇ ଟେଷ୍ଟ ଖେଲି ନ ପାରନ୍ତି ବୋଲି କୁହାଯାଉଥିଲା। ହେଲେ ସେ ଶେଷ ଦୁଇଟି ପାଇଁ ମଧ୍ୟ ଉପଲବ୍ଧ ରହିବେ ନାହିଁ। ତାଙ୍କ ସ୍ଥାନରେ ଓ୍ବାଶିଂଟନ ସୁନ୍ଦରଙ୍କୁ ପ୍ରଥମ ଦୁଇ ମ୍ୟାଚ୍ ପାଇଁ ସୁଯୋଗ ମିଳିଛି।
ପ୍ରକାଶ ଯେ, ଜାଡେଜାଙ୍କୁ ଅଷ୍ଟ୍ରେଲିଆ ବିପକ୍ଷରେ ସିଡନୀରେ ଖେଳାଯାଉଥିବା ମ୍ୟାଚ୍ ସମୟରେ ଆଘାତ ଲାଗିଥିଲା। ତାଙ୍କର ଆଙ୍ଗୁଠି ଭାଙ୍ଗି ଯାଇଥିବାରୁ ଠିକ୍ ହେବାକୁ ସମୟ ଲାଗିବ। ଆଗାମୀ ସମୟରେ ୫ ଟି୨୦ ଅନ୍ତରାଷ୍ଟ୍ରୀୟ ମ୍ୟାଚ୍ ଏବଂ ୩ ଦିନିକିଆ ମ୍ୟାଚ୍ର ସିରିଜରେ ତାଙ୍କୁ ଦଳରେ ସାମିଲ କରାଯିବ କି ନାହିଁ ସେନେଇ ନିଷ୍ପତ୍ତି ନିଆଯିବ। ଚେନ୍ନାଇରେ ଫେବୃୟାରୀ ୫ରେ ଭାରତ-ଇଂଲଣ୍ଡ ମଧ୍ୟରେ ସିରିଜର ପ୍ରଥମ ଟେଷ୍ଟ ଖେଳାଯିବ।
