ସିଡନୀ,୧୦।୧: ଭାରତୀୟ ଦଳ ପାଇଁ ବଡ଼ ଆଶ୍ୱସ୍ତିକର ଖବର ଆସିଛି। ଅଷ୍ଟ୍ରେଲିଆ ବିପକ୍ଷ ସିଡନୀ ଟେଷ୍ଟର ଚତୁର୍ଥ ଇନିଂସରେ ଅଲରାଉଣ୍ଡର ରବିନ୍ଦ୍ର ଜାଡେଜା ବ୍ୟାଟିଂ କରିବେ। ସିଡନୀ ଟେଷ୍ଟରେ ଯଦି ଆବଶ୍ୟକ ହୁଏ, ଜାଡେଜା ଯନ୍ତ୍ରଣାରୁ ମୁକ୍ତି ଇଞ୍ଜେକ୍ସନ ନେଇ ବ୍ୟାଟିଂ କରିବେ । ତେବେ ଆଙ୍ଗୁଠିରେ ଆଘାତ ଯୋଗୁ ଫାଟିଯିବା ଏବଂ ସ୍ଥାନାନ୍ତର ହୋଇଥିବା ଜାଡେଜା ଇଂଲଣ୍ଡ ବିପକ୍ଷ ଆଗାମୀ ସିରିଜର ପ୍ରଥମ ଦୁଇଟି ଟେଷ୍ଟରୁ ବାଦ ପଡିଛନ୍ତି। ଭାରତର ପ୍ରଥମ ଇନିଂସରେ ବ୍ୟାଟିଂ ବେଳେ ମିଚେଲ ଷ୍ଟାର୍କଙ୍କ ସର୍ଟ ବଲ ତାଙ୍କ ବାମ ହାତର ଗ୍ଲୋଭରେ ବାଜିଥିଲା, ପରେ ତାଙ୍କୁ ଡାକ୍ତରଖାନା ଯିବାକୁ ପଡିଲା। ଆଘାତ କାରଣରୁ ସେ ଅଷ୍ଟ୍ରେଲିଆର ଦ୍ୱିତୀୟ ଇନିଂସରେ ବୋଲିଂ କରିପାରି ନ ଥିଲେ। କ୍ରିକେଟ ବୋର୍ଡ ଅଫ ଇଣ୍ଡିଆ (ବିସିସିଆଇ)ର ଏକ ସୁତ୍ରରୁ ପ୍ରକାଶ ଯେ, ରବିନ୍ଦ୍ର ଜାଡେଜା ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ଟେଷ୍ଟରୁ ବାଦ୍ ପଡିଛନ୍ତି। ସମ୍ପୂର୍ଣ୍ଣ ସୁସ୍ଥ ହେବା ପାଇଁ ତାଙ୍କୁ ଚାରିରୁ ଛଅ ସପ୍ତାହ ସମୟ ଲାଗିବ। ଇଂଲଣ୍ଡ ବିପକ୍ଷ ଚାରି ମ୍ୟାଚ ବିଶିଷ୍ଟ ସିରିଜ ଚେନ୍ନାଇରେ ଫେବୃଆରୀ ୫ରୁ ଆରମ୍ଭ ହେବ। ପ୍ରଥମ ଏବଂ ଦ୍ୱିତୀୟ ଟେଷ୍ଟ ଚେନ୍ନାଇରେ ଖେଳାଯିବ।
ସୂଚନାଯୋଗ୍ୟ, ପ୍ରଥମ ଇନିଂସରେ ଜାଡେଜା ଚାରି ଉକେଟ ନେବା ପରେ ଅପରାଜିତ ୨୮ ରନ ନେଇ ଦଳ ପାଇଁ ଚମତ୍କାର ଅବଦାନ ଦେଇଥିଲେ। ଏହା ବ୍ୟତୀତ ସେ ଷ୍ଟିଭ ସ୍ମିଥଙ୍କୁ ମଧ୍ୟ ଆଉଟ କରିଥିଲେ। ସିଡନୀ ଟେଷ୍ଟର ଚତୁର୍ଥ ଦିନରେ ଭାରତୀୟ ଦଳ ଦୁଇଟି ଉଇକେଟ ହରାଇ ୯୮ ରନ ସଂଗ୍ରହ କରିଛି। ସିଡନୀ ଟେଷ୍ଟର ଶେଷ ଦିନରେ ଭାରତକୁ ଜିତିବା ପାଇଁ ୩୦୯ ରନ ସ୍କୋର କରିବାକୁ ପଡିବ ଏବଂ ହାତରେ ୮ଟି ଉକେଟ ସୁରକ୍ଷିତ ଅଛି। ଚେତେଶ୍ୱର ପୂଜାରା ନଅ ଏବଂ ଅଧିନାୟକ ଅଜିଙ୍କ୍ୟ ରାହାଣେ ଚାରି ରନ ସଂଗ୍ରହ କରି କ୍ରିଜରେ ଖେଳୁଛନ୍ତି।