ପୁରୀ ଅଫିସ, ୧୯।୧୦: ଭକ୍ତଙ୍କ ଲାଗି ଶ୍ରୀମନ୍ଦିର ଖୋଲିବା ଏବଂ ୨୬ ବର୍ଷ ପରେ ପଡ଼ୁଥିବା ଜାଗାର୍ଜୁଦ ବେଶ ଦର୍ଶନ ପ୍ରସଙ୍ଗରେ ଜଗତ୍ଗୁରୁ ଶଙ୍କାରାଚାର୍ଯ୍ୟଙ୍କଠାରୁ ଧାର୍ମିକ ମତ ଲୋଡିଛି ଜଗନ୍ନାଥ ସେନା। ସୋମବାର ସେନାର ଆବାହକ ପ୍ରିୟଦର୍ଶନ ପଟ୍ଟନାୟକ ପ୍ରମୁଖ ଗୋବର୍ଦ୍ଧନ ମଠରେ ପହଞ୍ଚି ଉପରୋକ୍ତ ପ୍ରସଙ୍ଗରେ ଶଙ୍କରାଚାର୍ଯ୍ୟଙ୍କ ପରାମର୍ଶ ଲୋଡିଛନ୍ତି। ଆବାହକ ପଟ୍ଟନାୟକ କହିଛନ୍ତି ଯେ, ୭ ମାସରୁ ଊର୍ଦ୍ଧ୍ୱ ସମୟ ହେଲାଣି ଶ୍ରୀମନ୍ଦିର ବନ୍ଦ ରହିଛି। ମନ୍ଦିର ଖୋଲିବା ନେଇ ଭିନ୍ନ ଭିନ୍ନ ମତ ଆସୁଛି। ସେହିପରି ଗର୍ଭଗୃହରେ ସିସିଟିଭ କ୍ୟାମେରା ଲଗାଇ ମହାପ୍ରଭୁଙ୍କ ନାଗାର୍ଜୁନ ବେଶର ସିଧା ପ୍ରସାରଣ ପାଇଁ ପରିଚାଳନା କମିଟିର ସଦସ୍ୟ କହୁଛନ୍ତି। ତେଣୁ ଏ ସବୁର ଧାର୍ମିକ ଦିଗ କ’ଣ ରହିଛି ତାହାକୁ ବିଚାରକରି ମନ୍ଦିର ଖୋଲିବା ଏବଂ ନାଗାର୍ଜୁନ ବେଶର ଦର୍ଶନ କିପରି ହେବ ସେ ସମ୍ପର୍କରେ ପରାମର୍ଶ ଦେବା ପାଇଁ ଶଙ୍କାରାଚାର୍ଯ୍ୟଙ୍କ ମତ ଲୋଡିଛନ୍ତି।
