ନିରାକାରପୁର,୧୮।୧୨(ଡି.ଏନ୍.ଏ.): ଖୋର୍ଦ୍ଧା ଜିଲା ଜଳବିଭାଜିକା ପକ୍ଷରୁ ଟାଙ୍ଗୀ ବ୍ଲକ କମାଗୁରୁ ପଞ୍ଚାୟତ ଜଗନ୍ନାଥପୁରସ୍ଥିତ ଅଟଳା ମୌଜାରେ ରହିଥିବା ୨୫ଏକର ପରିମିତ ଜମିରେ ୨୦୦୦ ହଜାର କାଜୁ ଚାରାରୋପଣ କରାଯିବାକୁ ପ୍ରକଳ୍ପ ଅନୁମୋଦନ କରାଯାଇଥିଲା। ତେବେ ୩ ବର୍ଷ ମଧ୍ୟରେ ମୋଟ୍ ୪ ଏକର କାଜୁ ଚାରାରୋପଣ କରାଯାଇଛି। ହେଲେ ୨୫ ଏକର ଜମିର ବିଲ୍ କରାଯାଇଛି ଜଗନ୍ନାଥପୁର ଗ୍ରାମବାସୀ ଅଭିଯୋଗ କରିଛନ୍ତି।
ସୂଚନା ଅଧିକାର ଆଇନ୍ ତଥ୍ୟ ଅନୁସାରେ, ଅଟଳା ମୌଜାରେ ରହିଥିବା ୨୫ଏକର ଜମିରେ ଚାରାରୋପଣ ହୋଇଛି। କାଜୁ ଚାରାରୋପଣ ସ୍ଥାନରେ ବାଉଁଶ ବାଡ ପାଇଁ ୨୦୧୮ରେ ୧,୪୯୦୦୦ଟଙ୍କା, ୨୦୧୯ରେ ୨ଲକ୍ଷ ୪ହଜାର ୫୧୨ଟଙ୍କା, ୨୦୨୦ରେ ୭,୪୨୦ଟଙ୍କା ଓ ନଡିଆ ଚାରାରେ ବାଡ ନିମନ୍ତେ ୩୪,୫୦୪ଟଙ୍କା ଓ କାଜୁ ବଗିଚାରେ ପାଣିଦେବା ପାଇଁ ୯୦ହଜାର ଟଙ୍କା ଖର୍ଚ୍ଚ ହୋଇଛି। ସେହିପରି ଉକ୍ତ ଚାରାରେ ଏଫ୍.ଓ୍ବାଇ.ଏମ୍.ସାର ପ୍ରୟୋଗ ନିମନ୍ତେ ୯୦,୦୦୦, କମ୍ପୋଷ୍ଟ ବାବଦରେ ୧,୩୬୪୨୮ଟଙ୍କା, ଉର୍ମି କମ୍ପୋଷ୍ଟ ବାବଦ ୨, ୫୯୪୦୩ଟଙ୍କା, ପାଣି-ଔଷଧ ସିଞ୍ଚନ ନିମନ୍ତେ ୫୪,୮୮୦ଟଙ୍କା ଓ ଗ୍ରାମର ଜବ୍ କାର୍ଡଧାରୀଙ୍କ ନାମରେ ୩,୩୦୪୫୬ ଟଙ୍କା ଓ ପଡୋଶୀ ଗ୍ରାମର ଜବ୍ କାର୍ଡଧାରୀମାନଙ୍କ ନଁାରେ ୨,୫୦୦୦୦ ଟଙ୍କା ଆଦି ମୋଟ ୧୭ଲକ୍ଷ ୯୯ହଜାର ୨୮୨ଟଙ୍କା ଖର୍ଚ୍ଚ ହୋଇଥିବା ତଥ୍ୟ ମିଳିଥିଲା। ତେବେ ଉକ୍ତ ୨୫ଏକର ଜମିରୁ ୪ ଏକର ଚାରୋପୋଣ କରାଯାଇଛି। ଉକ୍ତ ପ୍ରକଳ୍ପ ପାଇଁ ୧୮,୦୦୦୦୦ ଟଙ୍କା ମଞ୍ଜୁର ହୋଇଥଲା। ତେବେ ଲକ୍ଷାଧିକ ଟଙ୍କାର ଦୁର୍ନୀତି ହୋଇଥିବା ଗ୍ରାମବାସୀଙ୍କ ପକ୍ଷରୁ ଅଭିଯୋଗ ହୋଇଛି। ୧୫ଦିନ ମଧ୍ୟରେ ବିଭାଗ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରା ନ ଗଲେ ରାଜରାସ୍ତା ଅବରୋଧ କରାଯିବ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି। ଅନ୍ୟପଟେ ତଦନ୍ତ କରାଗଲେ ସତ୍ୟାସତ୍ୟ ଜଣାପଡ଼ିବ ବୋଲି ଜିଲା ଜଳବିଭାଜିକା ପ୍ରକଳ୍ପ ଅଧିକାରୀ ନାରାୟଣ ପାତ୍ର କହିଛନ୍ତି।