ନୂଆଦିଲ୍ଲୀ, ୬।୮ : ଦେଶର ପରବର୍ତ୍ତୀ ଉପ-ରାଷ୍ଟ୍ରପତି ଭାବେ ଏନଡିଏ ପ୍ରାର୍ଥୀ ଜଗଦୀପ ଧନକର ନିର୍ବାଚିତ ହୋଇଛନ୍ତି। ସେ ବିରୋଧୀ ପ୍ରାର୍ଥୀ ମାର୍ଗେଟ ଅଲଭାଙ୍କୁ ପରାସ୍ତ କରିଛନ୍ତି। ଜଗଦୀପଙ୍କୁ ୫୨୮ ଭୋଟ ମିଳିଥିବାବେଳେ ଆଲଭାଙ୍କୁ ୧୮୨ ଭୋଟ ମିଳିଛି।
ଶନିବାର ଉପରାଷ୍ଟ୍ରପତି ନିର୍ବାଚନରେ ପ୍ରାୟ ୯୩ ପ୍ରତିଶତ ଭୋଟ ରେକର୍ଡ କରାଯାଇଥିଲା। ଅଧିକାରୀ କହିଥିଲେ ଯେ ୫୦ ରୁ ଅଧିକ ଏମ୍ପି ସେମାନଙ୍କ ମତଦାନ ଅଧିକାର ସାବ୍ୟସ୍ତ କରି ନ ଥିଲେ। ଅଧିକାରୀ କହିଛନ୍ତି ଯେ ମୋଟ ୭୮୦ ଏମ୍ପିଙ୍କ ମଧ୍ୟରୁ ୭୨୫ ଜଣ ଭୋଟ ଦେଇଥିଲେ। ମତଦାନରୁ ତୃଣମୂଳ କଂଗ୍ରେସ ନିବୃତ୍ତ ରହିଥିଲା। ଏହାର ୩୪ ଏମ୍ପି ଭୋଟ ଦେଇ ନ ଥିଲେ। ତେବେ ଏହାର ଦୁଇ ଏମ୍ପି ଶିଶିର କୁମାର ଅଧିକାରୀ ଏବଂ ଦିବିନ୍ଦୁ ଅଧିକାରୀ ଭୋଟ ଦେଇଥିଲେ। ୧୫ ଭୋଟ ରଦ୍ଦ ହୋଇଥିଲା।
