ଓ୍ବାଶିଂଟନ,୧।୩ : ବୈଜ୍ଞାନିକମାନେ ଜହ୍ନମାମୁ ସହ ଜଡିତ ଏକ ଖବର ପ୍ରକାଶ କରିଛନ୍ତି। ଜହ୍ନମାମୁ ପୃଥିବୀଠାରୁ ଦୂରେଇ ଯାଉଥିବା ସମ୍ପର୍କରେ ସୂଚିତ କରିଛନ୍ତି। ଅଡି ୱେବସାଇଟ ରିପୋର୍ଟ ଅନୁଯାୟୀ ବୈଜ୍ଞାନିକମାନେ ଦାବି କରିଛନ୍ତି ଯେ ଚନ୍ଦ୍ର ପୃଥିବୀର ଦୂରତା ପ୍ରତିବର୍ଷ ବଢ଼ିବାରେ ଲାଗିଛି। ତଥାପି, ଏହି ପରିବର୍ତ୍ତନଟି ବହୁତ ଧୀର ଅଟେ।
ରିପୋର୍ଟ ଅନୁଯାୟୀ, ଚନ୍ଦ୍ର ପ୍ରତିବର୍ଷ ପ୍ରାୟ ୩.୮ ସେଣ୍ଟିିମିଟର ପୃଥିବୀଠାରୁ ଦୂରେଇ ଯାଉଛନ୍ତି। ଦୀର୍ଘ ସମୟ ଧରି ବୈଜ୍ଞାନିକମାନେ ଚନ୍ଦ୍ରରେ ଜନ ବସତି ସ୍ଥାପନ କରିବା ବିଷୟରେ କହୁଛନ୍ତି। କେତେକ ଦେଶ ଚନ୍ଦ୍ରର ଏକ ଅଂଶ ଦାବି କରିବା ବିଷୟରେ ମଧ୍ୟ ଆଲୋଚନା କରିଛନ୍ତି। କିନ୍ତୁ ବର୍ତ୍ତମାନ ଖବର ଆସିଛି ଯେ ଚନ୍ଦ୍ର ପ୍ରତିବର୍ଷ ଦୂରେିବାରେ ଲାଗିଛି।
ନାସା ଅନୁଯାୟୀ, ଚନ୍ଦ୍ର ପୃଥିବୀଠାରୁ ଦୁରେଇ ଯିବାର ଏହି ପ୍ରକ୍ରିୟା ନୂଆ ନୁହେଁ। ଚନ୍ଦ୍ର ଚାରି ଟ୍ରିଲିୟନ ବର୍ଷ ପୁରୁଣା ଏବଂ ଗତ କିଛି ବର୍ଷ ଧରି ବୈଜ୍ଞାନିକମାନେ ଆକଳନ କରିଛନ୍ତି ଯେ ଏହା ପୃଥିବୀଠାରୁ ଦୂରେଇବାରେ ଲାଗିଛି। ୧୯୬୯ ମସିହାରୁ ଏହା ଆପୋଲୋ ମିଶନ ସମୟରେ ଚନ୍ଦ୍ର ଉପରେ ପ୍ରତିଫଳିତ ପ୍ୟାନେଲ ସ୍ଥାପନ କରାଯାଇଥିଲା। ଏହାଦ୍ୱାରା ବୈଜ୍ଞାନିକମାନେ ଚନ୍ଦ୍ର ଏବଂ ପୃଥିବୀ ମଧ୍ୟରେ ଦୂରତା ଜାଣିପାରିଥିଲେ।
ଯେତେବେଳେ ବି ପୃଥିବୀର କକ୍ଷପଥରେ ସାମାନ୍ୟ ପରିବର୍ତ୍ତନ ଆସେ, ପୃଥିବୀରେ ପହଞ୍ଚୁଥିବା ସୂର୍ଯ୍ୟ କିରଣ ମଧ୍ୟ ପ୍ରଭାବିତ ହୁଏ। ବୈଜ୍ଞାନିକମାନେ ପୃଥିବୀର କକ୍ଷପଥରେ ପାର୍ଥକ୍ୟ, ସୂର୍ଯ୍ୟ ଏବଂ ଚନ୍ଦ୍ରଠାରୁ ଦୂରତା ଜାଣିଲେ, ସେମାନେ ଅନୁମାନ କଲେ ଯେ ପ୍ରାୟ ୨ ଟ୍ରିଲିୟନ ବର୍ଷ ପୂର୍ବେ ଚନ୍ଦ୍ର ପୃଥିବୀଠାରୁ ୬୦ ହଜାର କିଲୋମିଟର ଦୂରରେ ଥିଲା, କିନ୍ତୁ ସମୟ ସହିତ ଏହା ବଢ଼ିବାରେ ଲାଗିଥିଲା। ପୃଥିବୀର କକ୍ଷପଥରେ ପରିବର୍ତ୍ତନ ଯୋଗୁ ଏହା ଘଟିଥିଲା। ପୂର୍ବରୁ ପୃଥିବୀରେ ୧୭ ଘଣ୍ଟାର ଦିନ ହେଉଥିବାର ଅନୁମାନ କରାଯାଉଛି। ନାସା ଅନୁଯାୟୀ ପୃଥିବୀ ଏବଂ ଚନ୍ଦ୍ରର ଦୂରତା ବର୍ତ୍ତମାନ ୩,୮୪,୪୦୦ କିଲୋମିଟର ।