ମୁମ୍ବାଇ: କିଛିଦିନ ହେବ ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ତାଙ୍କ ଆଗାମୀ ଫିଲ୍ମ ‘ମିଲି’ର ଶୁଟିଂରେ ବ୍ୟସ୍ତ ଥିଲେ। ବର୍ତ୍ତମାନ ସେ ତାଙ୍କ ଫିଲ୍ମର ଶୁଟିଂ ଶେଷ କରିଛନ୍ତି। ଏହି ସମୟରେ ଜାହ୍ନବୀ ସୋସିଆଲ ମିଡିଆରେ ଶୁଟିଂ ସମୟର କିଛି ଫଟୋ ଶେୟାର କରିଛନ୍ତି। ଫିଲ୍ମଟି ତାଙ୍କ ପିତା ବୋନି କପୁରଙ୍କ ଦ୍ୱାରା ନିର୍ମିତ ହେଉଛି। ଜାହ୍ନବୀ ପ୍ରଥମ ଥର ପାଇଁ ତାଙ୍କ ପିତାଙ୍କ ସହ କାମ କରିଛନ୍ତି। ଏହି ଫଟୋଗୁଡ଼ିକ ସହିତ ସେ ତାଙ୍କ ପିତାଙ୍କ ସହ କାମ କରିବାର ଅଭିଜ୍ଞତା ମଧ୍ୟ ବାଣ୍ଟିଛନ୍ତି।
ଜାହ୍ନବୀ ତାଙ୍କ ଅଫିସିଆଲ ଇନ୍ଷ୍ଟାଗ୍ରାମ ଆକାଉଣ୍ଟ ମାଧ୍ୟମରେ ଫିଲ୍ମର ଶୁଟିଂରୁ ନିଆଯାଇଥିବା (BTS)ଫଟୋ ଶେୟାର କରିଛନ୍ତି। ଏହି ଫଟୋଗୁଡ଼ିକର ପ୍ରଥମରେ, ଜାହ୍ନବୀ ବ୍ୟାକ୍ଗ୍ରାଉଣ୍ଡକୁ ଚାହିଁ ରହିଛନ୍ତି ଏବଂ ତାଙ୍କ ସାମ୍ନାରେ ତାଳି ମରାଯାଉଛି। ଯେଉଁଥିରେ ‘ମିଲି’ ଲେଖା ଅଛି। ଅନ୍ୟ ଫଟୋଗୁଡ଼ିକ ଫିଲ୍ମର ଶୁଟିଂ ସେଟରୁ। ତେବେ ଅନ୍ୟ ଆଉ ଏକ ଫଟୋରେ ଜାହ୍ନବୀ ତାଙ୍କ ପିତା ବୋନିଙ୍କ ସହିତ ବସିଛନ୍ତି। ବୋନି ସେଠାରେ ଉପସ୍ଥିତ ଥିବା ସମସ୍ତ ଲୋକଙ୍କୁ କିଛି ବୁଝାଉଥିବାବେଳେ ଜାହ୍ନବୀ ତାଙ୍କ ପିତାଙ୍କ କଥାକୁ ଧ୍ୟାନ ସହକାରେ ଶୁଣୁଥିବା ନଜର ଆସିଛନ୍ତି।
