ମୁମ୍ବାଇ, ୨୮ା୭ : ସଙ୍ଗୀତକାର ଜାଭେଦ ଅଖତରଙ୍କ ମାନହାନି ମାମଲାରେ ଅଭିନେତ୍ରୀ କଙ୍ଗନା ରାଣାଓ୍ବତଙ୍କୁ ଅନ୍ଧେରି ମେଟ୍ରୋପଲିଟାନ କୋର୍ଟ ଚେତାବନୀ ଦେଇଛନ୍ତି। ଆସନ୍ତା ଶୁଣାଣିରେ ହାଜର ନ ହେଲେ କଙ୍ଗନାଙ୍କ ବିରୋଧରେ ଗିରଫ ପରଓ୍ବାନା ଜାରି ହେବ ବୋଲି ଅଦାଲତ କହିଛନ୍ତି। ମଙ୍ଗଳବାର କଙ୍ଗନାଙ୍କୁ କୋର୍ଟରେ ହାଜର ହେବା ପାଇଁ ପୂର୍ବରୁ ନୋଟିସ ଜାରି ହୋଇଥିଲେ ହେଁ ସେ ଆସି ନ ଥିଲେ। ଦେଶ ବାହାରେ ଥିବାରୁ କଙ୍ଗନା ଉପସ୍ଥିତ ହୋଇପାରି ନ ଥିବା ତାଙ୍କ ଓକିଲ କୋର୍ଟରେ କହିଥିଲେ। ତେବେ କଙ୍ଗନାଙ୍କୁ ଶେଷ ସୁଯୋଗ ଦେଇ ଅଦାଲତରେ ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଜାଭେଦ ଅଖତର ବଲିଉଡ୍ ସୁଇସାଇଡ୍ ଗ୍ୟାଙ୍ଗ୍ର ସଦସ୍ୟ ବୋଲି କଙ୍ଗନା ଏକ ସାକ୍ଷାତକାରରେ କହିଥିଲେ।