ଜୟପୁର,୧୪।୫ : ଆଇପିଏଲ ୨୦୨୩ ର ୬୦ ତମ ମ୍ୟାଚ ରାଜସ୍ଥାନ ରୟାଲ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଜୟପୁରର ସାୱାଇ ମାନସିଂହ ଷ୍ଟାଡିୟମରେ ଅପରାହ୍ନ ସାଢ଼େ ୩ଟା ରୁ ଖେଳାଯିବ। ପ୍ରଶଂସକମାନେ ଏହି ରାଜକୀୟ ମ୍ୟାଚ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି, କାରଣ ପ୍ଲେ ଅଫ ରାସ୍ତା କଷ୍ଟସାଧ୍ୟ କିନ୍ତୁ ହାରିଥିବା ଦଳ ପାଇଁ ଅସମ୍ଭବ ନୁହେଁ । କିନ୍ତୁ, ମ୍ୟାଚ ପୂର୍ବରୁ ମଧ୍ୟ ଜୟପୁରର ପାଗ ଖରାପ ହୋଇଯାଇଛି, ଯାହାର ପ୍ରଭାବ ମ୍ୟାଚ ଉପରେ ଦେଖିବାକୁ ମିଳିବାର ଆଶଙ୍କା ରହିଛି।
ରବିବାର ସକାଳ ଠାରୁ ସେଠାରେ ପାଗ ଖରାପ ରହିଛି। ପ୍ରବଳ ପବନ ବହିବା ସହ ଝିପିଝିପି ବର୍ଷା ହେଉଛି। ପୂର୍ବାନୁମାନ ବିଷୟରେ କହିବାକୁ ଗଲେ ବର୍ଷା ହେବାର ୬୦ ପ୍ରତିଶତ ସମ୍ଭାବନା ଅଛି । ବର୍ତ୍ତମାନ ପାଗ ମ୍ୟାଚ ଉପରେ କେତେ ପ୍ରଭାବ ପକାଉଛି ତାହା ଦେଖିବାକୁ ବାକି ରହିଲା।
ପଏଣ୍ଟ ଟେବୁଲରେ ରାଜସ୍ଥାନ ଦଳ ପଞ୍ଚମ ସ୍ଥାନରେ ଏବଂ ବାଙ୍ଗାଲୋରର ଦଳ ସପ୍ତମ ସ୍ଥାନରେ ରହିଛି। ରାଜସ୍ଥାନ ୧୨ ଟି ମ୍ୟାଚ ଖେଳିଛି ଏବଂ ସେଥିରୁ ୬ ଟି ଜିତିଛି ଏବଂ ୬ ଟି ହାରିଛି । ରାଜସ୍ଥାନର ପଏଣ୍ଟ ୧୨ ରହିଛି। ଏଥି ସହିତ ବାଙ୍ଗାଲୋର ୧୧ ଟି ମ୍ୟାଚ ଖେଳିଛି। ଏହାର ପଏଣ୍ଟ ୧୦ ରହିଛି। ବାଙ୍ଗାଲୋର ପାଞ୍ଚଟି ମ୍ୟାଚ ଜିତି ୬ଟିରେ ହାରିଛି।
ଯଦି ବର୍ଷା ଯୋଗୁ ମ୍ୟାଚ ବାତିଲ ହୁଏ, ତେବେ ଉଭୟ ଦଳକୁ ୧-୧ ପଏଣ୍ଟରେ ସନ୍ତୁଷ୍ଟ ହେବାକୁ ପଡିବ୧ ଏପର୍ଯ୍ୟନ୍ତ ଏହି ସିଜିନରେ କେବଳ ଗୋଟିଏ ମ୍ୟାଚ ବର୍ଷା ହୋଇଛି। ଲକ୍ଷ୍ନୌ ସୁପର ଜ୍ୟାଣ୍ଟ୍ସ ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳାଯାଇଥିବା ମ୍ୟାଚରେ ବର୍ଷା ହୋଇଥିଲା। ଯେଉଁଥିପାଇଁ ମ୍ୟାଚକୁ ବାତିଲ କରିବାକୁ ପଡିଲା, ଯାହା ପରେ ଉଭୟ ଦଳ ୧-୧ ପଏଣ୍ଟ ପାଇଥିଲେ ।