ଇସଲାମାବାଦ,୪।୫ : ଜାତିସଂଘ ଦ୍ୱାରା ବିଶ୍ୱ ଆତଙ୍କବାଦୀ ସଂଗଠନ ଘୋଷଣା କରାଯାଇଥିବା ଜୈଶ-ଇ-ମହମ୍ମଦ ପେଶୱାର ଏବଂ ଅନ୍ୟାନ୍ୟ ସହରରେ ଜିହାଦ ପାଇଁ ପାଣ୍ଠି ସଂଗ୍ରହ କରିଛି। ୟୁରୋପୀୟ ଟାଇମ୍ସ ରିପୋର୍ଟ କରିଛି, ଜୈଶ ସଦସ୍ୟମାନେ ଚଳିତ ବର୍ଷ ଏପ୍ରିଲରେ ଖାଇବର ପସ୍ତୁନଖ୍ବା ଅନ୍ତର୍ଗତ ପେଶୱାର ଉପକଣ୍ଠରେ ଥିବା ବାଗ-ଇ-ନାରନରେ କଶ୍ମୀର ଏବଂ ପାଲେଷ୍ଟାଇନରେ ଜିହାଦ କରିବା ପାଇଁ ଚାନ୍ଦା ମାଗିଥିଲେ। ଇଦ ଅବସରରେ ଏଭଳି କରାଯାଇଥିଲା।
ୟୁରୋପୀୟ ଟାଇମ୍ସ ଏକ ରିପୋର୍ଟରେ ସୂଚନା ଦେଇଛି , ମନି ଲଣ୍ଡରିଂ ଘଟଣା ସହିତ ପାକିସ୍ତାନ ଗତ ବର୍ଷ ଦେଶକୁ ଗ୍ରେ ଲିଷ୍ଟରୁ ବାହାର କରିଦେଇଥିବା ବିଶ୍ୱ ଆତଙ୍କବାଦୀ ବିରୋଧୀ ଅର୍ଥନୈତିକ ତଦାରଖକାରୀ ଏଫଏଟିଏଫ ଦ୍ୱାରା ଏକ ଗୁରୁତ୍ୱପୂର୍ଣ୍ଣ ରେଡଲାଇନକୁ ଉଲ୍ଲଂଘନ କରିଛି। ଏହା ପରେ ଅନେକ ପାକିସ୍ତାନୀ ଟୁଇଟର ବ୍ୟବହାରକାରୀ ସୂଚାଇ ଦେଇଛନ୍ତିଲ୍, ଉଗ୍ରବାଦୀ ଗୋଷ୍ଠୀ ଦ୍ୱାରା ଏହିପରି ପାଣ୍ଠି ସଂଗ୍ରହ କାର୍ଯ୍ୟ ଅନ୍ୟ ଅଞ୍ଚଳରେ ମଧ୍ୟ ଚାଲିଛି।
