ଯାଜପୁର ଟାଉନ,୧୮ା୭: (ପ୍ରଯକ୍ତା ପ୍ରିୟଦର୍ଶନୀ ମହାନ୍ତି) : ଯାଜପୁର ଜିଲା ୧୫ନଂ. ଜୋନ୍ ଜିଲା ପରିଷଦ ପାଇଁ ଉପନିର୍ବାଚନ ଅନୁଷ୍ଠିତ ହେବ । ଏଥିପାଇଁ ୭ଜଣ ପ୍ରାର୍ଥୀ ଉପଜିଲାପାଳଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଛନ୍ତି। ୧୫ନଂ. ଜୋନ୍ର ଜିଲା ପରିଷଦ ପ୍ରାର୍ଥୀ ଭାଗ୍ୟଦର ସେଠୀଙ୍କ ଦୃଦ୍ଘାତରେ ପରଲୋକ ପରେ ଏହି ପଦବୀ ଖାଲିପଡିଥିଲା ା ଅଗଷ୍ଟ ୯ରେ ଏଥିପାଇଁ ଉପନିର୍ବାଚନ ତାରିଖ ଘୋଷଣା କରାଯାଇଛି ା ଉପଜିଲାପାଳଙ୍କ କାର୍ଯ୍ୟାଳୟରେ ସୋମବାର ଭାଜପା , ବିଜେଡି , କଂଗ୍ରେସ ପ୍ରାର୍ଥୀଙ୍କ ସହ ୪ଜଣ ସ୍ବାଧୀନ ପ୍ରାର୍ଥୀ ସେମାନଙ୍କ ପ୍ରାର୍ଥୀପତ୍ର ଦାଖଲ କରିଛନ୍ତି। ଭାଜପାର ମହେଶ୍ୱର ତରାଇ, କଂଗ୍ରେସର ବୈରାଗୀ ମଲ୍ଲିକ, ବିଜେଡିର ଚକ୍ରଧର ବେହେରା ଓ ସ୍ବାଧୀନ ପ୍ରାର୍ଥୀ ଭାବେ ପବିତ୍ର ମଲ୍ଲିକ, ଅଶୋକ କୁମାର ସେଠୀ, ବିଶ୍ୱଜିତ୍ ତରାଇ ଓ ଅନିରୁଦ୍ଧ ମଲ୍ଲିକ ଶେଷଦିନରେ ନାମାଙ୍କନ ପତ୍ର ଦାଖଲ କରିଛନ୍ତି। ଉପନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ଶେଷ ହୋଇଥିବାବେଳେ ଆସନ୍ତା ୨୦ରେ ପ୍ରାର୍ଥୀପତ୍ର ପ୍ରତ୍ୟାହାର ଓ ଅଗଷ୍ଟ ୯ରେ ଭୋଟ ଗ୍ରହଣ ଓ ୧୧ ତାରିଖ ଦିନ ଭୋଟ ଗଣତି କରାଯିବ। ଏହି ଉପନିର୍ବାଚନ ସାଧାରଣ ନିର୍ବାଚନ ପୂର୍ବରୁ ହେଉଥିବାରୁ ବିଭିନ୍ନ ଦଳ ଏହାକୁ ଗୁରୁତ୍ୱ ଦେଇଛନ୍ତି ।