ଯାଜପୁର ଅଫିସ,୧୫ା୫: ଯାଜପୁର ପୌରପାଳିକା ଗୋଦାମଗୃହ ସୋମବାର ସକାଳେ ଜଳିଯାଇଛି। ଫଳରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି। ଗାନ୍ଧିଛକ ନିକଟରେ ଊର୍ଦ୍ଦୁ ସ୍କୁଲରେ ସ୍ଥାୟୀ ଭାବେ ପୌରପାଳିକା ଗୋଦାମ ଗୃହ ଚାଲିଥିଲା। ଏଠାରେ ଫିନାଇଲ, ମଶାତେଲ, ପରିମଳ ଲାଗି ବ୍ୟବହୃତ ଗାଡ଼ି, ଖତ ଆଦି ମହଜୁଦ୍ ରହୁଥିଲା । ସକାଳୁ ହଠାତ୍ ଏହି ଗୃହରେ ନିଆଁ ଜଳୁଥିବା ଦେଖିବା ପରେ ପୌରପାଳିକା କର୍ମଚାରୀ ଓ ଦମକଳ ବାହିନୀ ପହଞ୍ଚିଥିଲେ ବି କିଛି ସମୟ ଧରି ନିଆଁକୁ ଆୟତ୍ତ କରିପାରି ନ ଥିଲେ । ପରେ ଦମକଳ ବାହିନୀ ଫୋମ ବ୍ୟବହାର ପରେ ନିଆଁକୁ ଆୟତ୍ତକୁ ଅଣାଯାଇଛି। ସେପଟେ ଗୋଦାମ ନିକଟରେ ବିଦ୍ୟୁତ୍ ଟ୍ରାନ୍ସଫର୍ମର ଥିବାରୁ ଏହା ସଟ୍ସର୍କିଟ ହୋଇଥାଇପାରେ ବୋଲି ଅନୁମାନ କରାଯାଉଛି।
