ଟି୨୦ ବିଶ୍ୱକପ୍: ଅଷ୍ଟ୍ରେଲିଆ ଦଳରେ ସାମିଲ ହୋଇପାରନ୍ତି ଏହି ବିସ୍ଫୋରକ ବ୍ୟାଟର, ଜାଣନ୍ତୁ ଆଇପିଏଲ୍ର ଏହି ଦଳରେ ଖେଳନ୍ତି…
03 ନୂଆଦିଲ୍ଲୀ,୨୦ା୫: ଆସନ୍ତା ଟି୨୦ କ୍ରିକେଟ ବିଶ୍ୱକପ୍ ପାଇଁ ବିସ୍ଫୋରକ ବ୍ୟାଟର ଜେମ୍ ଫ୍ରେଜର ମ୍ୟାକ୍ଗ୍ରୁପ୍ ଓ ମାଥ୍ୟୁ ଶର୍ଟ ଅଷ୍ଟ୍ରେଲିଆର ଟ୍ରାମେଲିଂ ରିଜର୍ଭ ଖେଳାଳି ହୋଇ ପାରନ୍ତି। ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି)ର ଏହି ଅନ୍ୟତମ ମେଗା ଇଭେଣ୍ଟ ଆମେରିକାରେ ଜୁନ୍ ୧ରେ ଆରମ୍ଭ ହେବାକୁ ଯାଉଛି। ୨୨ ବର୍ଷୀୟ ମ୍ୟାକ୍ଗ୍ରୁକ୍୍ ଆଇପିଏଲ୍ରେ ଦିଲ୍ଲୀ କ୍ୟାପିଟାଲ୍ସ ତରଫରୁ ଖେଳି ତାଙ୍କ ଚମତ୍କାର ଫର୍ମ ସମ୍ପର୍କରେ ସୂଚାଇ ଦେଇଛନ୍ତି।
ଏହି ଟପ୍ ଅର୍ଡର ବ୍ୟାଟର ଏପର୍ଯ୍ୟନ୍ତ ଅନ୍ତର୍ଜାତୀୟ ଟି୨୦ରେ ପଦାର୍ପଣ କରି ନାହାନ୍ତି। ଘୋଷଣା କରାଯାଇଥିବା ପ୍ରାରମ୍ଭିକ ୧୫ ଜଣିଆ ଅଷ୍ଟ୍ରେଲିଆ ଦଳରେ ତାଙ୍କ ନାମ ସ୍ଥାନ ପାଇ ନାହିଁ। କାରଣ ଏହି ଦଳରେ ଅଷ୍ଟ୍ରେଲିଆର ୩ ଜଣ ପ୍ରତିଷ୍ଠିତ ଟପ୍ ବ୍ୟାଟର ଡେଭିଡ ଓ୍ବାର୍ନର, ଟ୍ରାଭିସ ହେଡ୍ ଓ ମିଚେଲ ମାର୍ଶଙ୍କ ନାମ ସ୍ଥାନ ପାଇଛି। ଅନ୍ୟପକ୍ଷରେ ବ୍ୟାଟିଂ ଅଲରାଉଣ୍ଡର ଶର୍ଟ ଅଷ୍ଟ୍ରେଲିଆର ଗତ ୧୪ ଅନ୍ତର୍ଜାତୀୟ ଟି୨୦ ମ୍ୟାଚ ମଧ୍ୟରୁ ୯ଟିରେ ଖେଳିଛନ୍ତି।
ବିଗ୍ ବାଶ ଲିଗ୍ରେ ସେ ପଛକୁ ପଛ ଲଗାତର ଦୁଇବର୍ଷ ପ୍ଳେୟର ଅଫ୍ ଦି ମ୍ୟାଚ ବିବେଚିତ ହୋଇଛନ୍ତି। ଯେତେବେଳେ ଅଷ୍ଟ୍ରେଲିଆର ପ୍ରାରମ୍ଭିକ ଦଳ ଘୋଷଣା କରାଗଲା ସେତେବେଳେ ସିଲେକ୍ସନ କମିଟି ମୁଖ୍ୟ ଜର୍ଜ ବେଲି ମାତ୍ର ଜଣେ ରିଜର୍ଭ ଖେଳାଳିଙ୍କ ନାମ ଘୋଷଣା କରିଥିଲେ।
ବର୍ତ୍ତମାନ ସେମାନେ ଶର୍ଟଙ୍କ ସହ ଫର୍ମରେ ଥିବା ମ୍ୟାକ୍ଗ୍ରୁକ୍ଙ୍କୁ ରିଜର୍ଭ ଖେଳାଳି ଭାବେ ଦଳରେ ସାମିଲ କରିପାରନ୍ତି। ତ୍ରିନିଦାଦଠାରେ ଏକ ଟ୍ରେନିଂ କ୍ୟାମ୍ପରେ ଯୋଗ ଦେବା ଲାଗି ଅଷ୍ଟ୍ରେଲିଆର ବିଶ୍ୱକପ୍ ଦଳ ଗୁରୁବାର ଓ୍ବେଷ୍ଟଇଣ୍ଡିଜ ଗସ୍ତ କରିବ। ସେଠାରେ ଦଳ ଯଥାକ୍ରମେ ନାମ୍ବିଆ ଓ ଓ୍ବେଷ୍ଟଇଣ୍ଡିଜ ବିପକ୍ଷରେ ମେ ୨୮ ଓ ୩୦ରେ ଦୁଇଟି ଅଭ୍ୟାସ ମ୍ୟାଚ ଖେଳିବ। ଆଇପିଏଲ ଶେଷ ହେବା ପରେ ହେଡ୍, କାମେରନ ଗ୍ରୀନ, ପ୍ୟାଟ କୁମିନ୍ସ, ମିଚେଲ ଷ୍ଟାର୍କଓ ଗ୍ଲେନ ମାକ୍ସଓ୍ବେଲଙ୍କ ଭଳି ଖେଳାଳି ଦଳ ସହ ଯୋଗ ଦେବେ।