ନୂଆଦିଲ୍ଲୀ,୨୬ ।୧୧: ପାକିସ୍ତାନର ରାଜନୀତିର ମୁଖା ପିନ୍ଧିଥିବା ଆତଙ୍କବାଦୀ ସଙ୍ଗଠନ ଜମାତ-ଉଦ-ଦାୱା ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣରେ ମୃତ୍ୟୁବରଣ କରିଥିବା କସାବ ସମେତ ୧୦ ଆତଙ୍କବାଦୀଙ୍କ ପାଇଁ ଏକ ବିଶେଷ ପ୍ରାର୍ଥନା ସଭାର ଆୟୋଜନ କରିଥିବା ଜଣାପଡିଛି । ମୁମ୍ବାଇ ଆକ୍ରମଣର ୧୨ ବର୍ଷ ପରେ ପାକିସ୍ତାନ ପଞ୍ଜାବର ସାହିୱାଲାରେ ଏହି ସଭାର ଆୟୋଜନ କରାଯାଇଛି । ଜମାତ-ଉଦ-ଦାୱା ପାକିସ୍ତାନର ଆତଙ୍କବାଦୀ ସଙ୍ଗଠନ ଲସ୍କର-ଇ-ତୋଏବାର ରାଜନୈତିକ ଚେହେରା । ସେ ଆୟୋଜିତ କରିଥିବା ଶୋକ ସଭାରେ କର୍ମୀମାନଙ୍କୁ ଯୋଗ ଦେବାକୁ ନିମନ୍ତ୍ରଣ କରାଯାଇଛି । କୁଖ୍ୟାତ ଆତଙ୍କବାଦୀ ହାଫିଜ ସଇଦ ଏହି ସଙ୍ଗଠନର ମୁଖ୍ୟ ରହିଛନ୍ତି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଏହି ସ୍ୱତନ୍ତ୍ର ସଭା ଜମାତର ମସଜିଦ୍ରେ ହେବ । ୨୦୦୮ରେ ମୁମ୍ବାଇ ଆକ୍ରମଣରେ ପ୍ରାୟ ୧୭୦ ଲୋକଙ୍କୁ ମୃତ୍ୟୁ କୋଳରେ ଶୁଆଇ ଦେଇଥିବା ଆତଙ୍କବାଦୀଙ୍କ ପାଇଁ ଏହିଠାରେ ପ୍ରାର୍ଥନା କରାଯିବ ବୋଲି ଜଣାପଡିଛି ।