ଲଣ୍ଡନ,୩୧।୧୦-ଓସ୍କାର ବିଜେତା ତଥା ହଲିଉଡ ଫିଲ୍ମ ଜେମ୍ସ ବଣ୍ଡର ପ୍ରଥମ ଅଭିନେତା ସାର ସେନ କୋନେରୀଙ୍କ ଶନିବାର ପରଲୋକ ହୋଇଯାଇଛି। ୯୦ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସ୍କଟଲ୍ୟାଣ୍ଡରେ ସେ ଜନ୍ମଗ୍ରହଣ କରିଥିଲେ। ୧୯୬୨ରୁ ୧୯୮୩ ମଧ୍ୟରେ ୭ଟି ବଣ୍ଡ ଫିଲ୍ମରେ ଅଭିନୟ କରିଥିଲେ। ଫିଲ୍ମ କ୍ୟାରିୟରରେ ସେ ଅନେକ ସଫଳତା ପାଇଛନ୍ତି। ସେ ଓସ୍କାର, ୩ଟି ଗୋଲଡେନ ଗ୍ଲୋବ୍ସ ଓ ଦୁଇଟି ବାଫଟା ପୁରସ୍କାର ଜିତିଛନ୍ତି। ଗୋଲ୍ଡଫିଙ୍ଗର(୧୯୬୪), ହାଇଲ୍ୟାଣ୍ଡର(୧୯୮୬), ଦି ରକ(୧୯୯୬) ଭଳି ଅନେକ ଫିଲ୍ମରେ ଅଭିନୟ କରିଛନ୍ତି।